న్యాయసూత్ర
(అథ ప్రథమః అధ్యాయః)
॥అనుబన్ధచతుష్టయప్రకరణమ్॥
౧.౧.౧ \ ప్రమాణ-ప్రమేయ-సంశయ-ప్రయోజన-దృష్టాన్త-సిద్ధాన్తావయవ-తర్క-నిర్ణయ-వాద-జల్ప-
వితణ్డాహేత్వాభాస-చ్ఛల-జాతి-నిగ్రహస్థానానామ్తత్త్వజ్ఞానాత్ నిఃశ్రేయసాధిగమః
{పదార్థోద్దేశసూత్రమ్}
౧.౧.౨ \ దుఃఖజన్మప్రవృత్తిదోషమిథ్యాజ్ఞానానామ్ ఉత్తరోత్తరాపాయే తదనన్తరా పాయాత్ అపవర్గః
{పదార్థోద్దేశసూత్రమ్}
॥ప్రమాణప్రకరణమ్॥
౧.౧.౩ \ ప్రత్యక్షానుమానోపమానశబ్దాః ప్రమాణాని
{ప్రమాణ-ఉద్దేశ-సూత్రమ్}
౧.౧.౪ \ ఇన్ద్రియార్థసన్నికర్షోత్పన్నమ్ జ్ఞానమ్ అవ్యపదేశ్యమ్ అవ్యభిచారి వ్యవసాయాత్మకమ్ ప్రత్యక్షమ్
{ప్రత్యక్షలక్షణమ్}
౧.౧.౫ \ అథ తత్పూర్వకం త్రివిధమ్ అనుమానం పూర్వవత్ శేషవత్ సామాన్యతోదృష్టం చ
{అనుమానలక్షణమ్}
౧.౧.౬ \ ప్రసిద్ధసాధర్మ్యాత్ సాధ్యసాధనమ్ ఉపమానమ్
{ఉపమానలక్షణమ్}
౧.౧.౭ \ ఆప్తోపదేశః శబ్దః
{శబ్దలక్షణమ్}
౧.౧.౮ \ సః ద్వివిధః దృష్టాదృష్టార్థత్వాత్
{శబ్దభేదః}
॥ప్రమేయప్రకరణమ్॥
౧.౧.౯ \ ఆత్మశరీరేన్ద్రియార్థబుద్ధిమనఃప్రవృత్తిదోషప్రేత్యభావఫలదుఃఖాపవర్గాః తు ప్రమేయమ్
{ప్రమేయ-ఉద్దేశ-సూత్రమ్}
౧.౧.౧౦ \ ఇచ్ఛాద్వేషప్రయత్నసుఖదుఃఖజ్ఞానాని ఆత్మనః లిఙ్గమ్ ఇతి
{ఆత్మలక్షణమ్}
౧.౧.౧౧ \ చేష్టేన్ద్రియార్థాశ్రయః శరీరమ్
{శరీరలక్షణమ్}
౧.౧.౧౨ \ ఘ్రాణరసనచక్షుస్త్వక్శ్రోత్రాణి ఇన్ద్రియాణి భూతేభ్యః
{ఇన్ద్రియలక్షణమ్}
౧.౧.౧౩ \ పృథివీ ఆపః తేజః వాయుః ఆకాశమ్ ఇతి భూతాని
{భూతలక్షణమ్}
౧.౧.౧౪ \ గన్ధరసరూపస్పర్శశబ్దాః పృథివ్యాదిగుణాః తదర్థాః
{అర్థ(విషయ)లక్షణమ్}
౧.౧.౧౫ \ బుద్ధిః ఉపలబ్ధిః జ్ఞానమ్ ఇతి అనర్థాన్తరమ్
{బుద్ధిలక్షణమ్}
౧.౧.౧౬ \ యుగపత్ జ్ఞానానుత్పత్తిః మనసః లిఙ్గమ్
{మనోలక్షణమ్}
౧.౧.౧౭ \ ప్రవృత్తిః వాగ్బుద్ధిశరీరారమ్భః
{ప్రవృత్తిలక్షణమ్}
౧.౧.౧౮ \ ప్రవర్త్తనాలక్షణాః దోషాః
{దోషలక్షణమ్}
౧.౧.౧౯ \ పునరుత్పత్తిః ప్రేత్యభావః
{ప్రేత్యభావలక్షణమ్}
౧.౧.౨౦ \ ప్రవృత్తిదోషజనితః అర్థః ఫలమ్
{ఫలలక్షణమ్}
౧.౧.౨౧ \ బాధనాలక్షణమ్ దుఃఖమ్
{దుఃఖలక్షణమ్}
౧.౧.౨౨ \ తదత్యన్తవిమోక్షః అపవర్గః
{అపవర్గలక్షణమ్}
॥న్యాయపూర్వాఙ్గలక్షణప్రకరణమ్॥
౧.౧.౨౩ \ సమానానేకధర్మోపపత్తేః విప్రతిపత్తేః ఉపలబ్ధ్యనుపలబ్ధ్యవ్యవస్థాతః చ విశేషాపేక్షః విమర్శః సంశయః
{సంశయలక్షణమ్}
౧.౧.౨౪ \ యమ్ అర్థమ్ అధికృత్య ప్రవర్తతే తత్ ప్రయోజనమ్
{ప్రయోజనలక్షణమ్}
౧.౧.౨౫ \ లౌకికపరీక్షకాణాం యస్మిన్ అర్థే బుద్ధిసామ్యమ్ సః దృష్టాన్తః
{దృష్టాన్తలక్షణమ్}
॥న్యాయాశ్రయసిద్ధాన్తలక్షణప్రకరణమ్॥
౧.౧.౨౬ \ తన్త్రాధికరణాభ్యుపగమసంస్థితిః సిద్ధాన్తః
{అభ్యుపగమసిద్ధాన్తలక్షణమ్}
౧.౧.౨౭ \ సః చతుర్విధః సర్వతన్త్రప్రతితన్త్రాధికరణాభ్యుపగమసంస్థిత్యర్థాన్తరభావాత్
{తన్త్రభేద-ఉద్దేశసూత్రమ్}
౧.౧.౨౮ \ సర్వతన్త్రావిరుద్ధః తన్త్రే అధికృతః అర్థః సర్వతన్త్రసిద్ధాన్తః
{సర్వతన్త్రసిద్ధాన్త-లక్షణమ్}
౧.౧.౨౯ \ సమానతన్త్రసిద్ధః పరతన్త్రాసిద్ధః ప్రతితన్త్రసిద్ధాన్తః
{ప్రతితన్త్రసిద్ధాన్త-లక్షణమ్}
౧.౧.౩౦ \ యత్సిద్ధౌ అన్యప్రకరణసిద్ధిః సః అధికరణసిద్ధాన్తః
{అధికరణసిద్ధాన్త-లక్షణమ్}
౧.౧.౩౧ \ అపరీక్షితాభ్యుపగమాత్ తద్విశేషపరీక్షణమ్ అభ్యుపగమసిద్ధాన్తః
{అభ్యుపగమసిద్ధాన్త-లక్షణమ్}
॥న్యాయప్రకరణమ్॥
౧.౧.౩౨ \ ప్రతిజ్ఞాహేతూదాహరణోపనయనిగమనాని అవయవాః
{అవయవ-ఉద్దేశసూత్రమ్}
౧.౧.౩౩ \ సాధ్యనిర్దేశః ప్రతిజ్ఞా
{ప్రతిజ్ఞా-లక్షణమ్}
౧.౧.౩౪ \ ఉదాహరణసాధర్మ్యాత్ సాధ్యసాధనం హేతుః
{హేతు-లక్షణమ్}
౧.౧.౩౫ \ తథా వైధర్మ్యాత్
{హేతు-లక్షణమ్}
౧.౧.౩౬ \ సాధ్యసాధర్మ్యాత్ తద్ధర్మభావీ దృష్టాన్తః ఉదాహరణమ్
{ఉదాహరణ-లక్షణమ్}
౧.౧.౩౭ \ తద్విపర్యయాత్ వా విపరీతమ్
{ఉదాహరణ-లక్షణమ్}
౧.౧.౩౮ \ ఉదాహరణాపేక్షః తథా ఇతి ఉపసంహారః న తథా ఇతి వా సాధ్యస్య ఉపనయః
{ఉపనయ-లక్షణమ్}
౧.౧.౩౯ \ హేత్వపదేశాత్ ప్రతిజ్ఞాయాః పునర్వచనమ్ నిగమనమ్
{నిగమన-లక్షణమ్}
॥న్యాయోత్తరాఙ్గప్రకరణమ్॥
౧.౧.౪౦ \ అవిజ్ఞాతతత్వే అర్థే కారణోపపత్తితః తత్త్వజ్ఞానార్థమ్ ఉహః తర్కః
{తర్క-లక్షణమ్}
౧.౧.౪౧ \ విమృశ్య పక్షప్రతిపక్షాభ్యామ్ అర్థావధారణమ్ నిర్ణయః
{నిర్ణయ-లక్షణమ్}
(ఇతి న్యాయసూత్రే ప్రథమాధ్యాయస్య ప్రథమమ్ ఆహ్నికమ్)
(అథ ద్వితీయమ్ ఆహ్నికమ్)
॥కథాలక్షణప్రకరణమ్॥
౧.౨.౧ \ ప్రమాణతర్కసాధనోపాలమ్భః సిద్ధాన్తావిరుద్ధః పఞ్చావయవోపపన్నః పక్షప్రతిపక్షపరిగ్రహః వాదః
{వాద-లక్షణమ్}
౧.౨.౨ \ యథోక్తోపపన్నః ఛలజాతినిగ్రహస్థానసాధనోపాలమ్భః జల్పః
{జల్ప-లక్షణమ్}
౧.౨.౩ \ సః ప్రతిపక్షస్థాపనాహీనః వితణ్డా
{వితణ్డా-లక్షణమ్}
॥హేత్వాభాసప్రకరణమ్॥
౧.౨.౪ \ సవ్యభిచార-విరుద్ధ-ప్రకరణసమ-సాధ్యసమ-కాలాతీతాః హేత్వాభాసాః
{హేత్వాభాస-ఉద్దేశ-సూత్రమ్}
౧.౨.౫ \ అనైకాన్తికః సవ్యభిచారః
{సవ్యభిచార-లక్షణమ్}
౧.౨.౬ \ సిద్ధాన్తమ్ అభ్యుపేత్య తద్విరోధీ విరుద్ధః
{విరుద్ధ-లక్షణమ్}
౧.౨.౭ \ యస్మాత్ ప్రకరణచిన్తా సః నిర్ణయార్థమపదిష్టః ప్రకరణసమః
{ప్రకరణసమ-లక్షణమ్}
౧.౨.౮ \ సాధ్యావిశిష్టః సాధ్యత్వాత్ సాధ్యసమః
{సాధ్యసమ-లక్షణమ్}
౧.౨.౯ \ కాలాత్యయాపదిష్టః కాలాతీతః
{కాలాతీత-లక్షణమ్}
॥ఛలప్రకరణమ్॥
౧.౨.౧౦ \ వచనవిఘాతః అర్థవికల్పోపపత్త్యా ఛలమ్
{ఛల-లక్షణమ్}
౧.౨.౧౧ \ తత్ త్రివిధమ్ - వాక్ఛలమ్ సామాన్యచ్ఛలమ్ ఉపచారచ్ఛలమ్ చ ఇతి
{ఛల-భేద-ఉద్దేశ-సూత్రమ్}
౧.౨.౧౨ \ అవిశేషాభిహితే అర్థే వక్తుః అభిప్రాయాత్ అర్థాన్తరకల్పనా వాక్ఛలమ్
{వాక్ఛల-లక్షణమ్}
౧.౨.౧౩ \ సమ్భవతః అర్థస్య అతిసామాన్యయోగాత్ అసమ్భూతార్థకల్పనా సామాన్యచ్ఛలమ్
{సామాన్యచ్ఛల-లక్షణమ్}
౧.౨.౧౪ \ ధర్మవికల్పనిర్దేశే అర్థసద్భావప్రతిషేధః ఉపచారచ్ఛలమ్
{ఉపచారచ్ఛల-లక్షణమ్}
౧.౨.౧౫ \ వాక్ఛలమ్ ఏవ ఉపచారచ్ఛలమ్ తత్ అవిశేషాత్
{ఉపచారచ్ఛల-పూర్వపక్ష-లక్షణమ్}
౧.౨.౧౬ \ న తత్ అర్థాన్తరభావాత్
{ఉపచారచ్ఛల-లక్షణమ్}
౧.౨.౧౭ \ అవిశేషే వా కిఞ్చిత్సాధర్మ్యాత్ ఏకచ్ఛలప్రసఙ్గః
{ఉపచారచ్ఛల-లక్షణమ్}
॥లిఙ్గదోషసామాన్యప్రకరణమ్॥
౧.౨.౧౮ \ సాధర్మ్యవైధర్మ్యాభ్యామ్ ప్రత్యవస్థానం జాతిః
{జాతి-లక్షణమ్}
౧.౨.౧౯ \ విప్రతిపత్తిః అప్రతిపత్తిః చ నిగ్రహస్థానమ్
{నిగ్రహస్థాన-లక్షణమ్}
౧.౨.౨౦ \ తద్వికల్పాత్ జాతినిగ్రహస్థానబహుత్వమ్
{నిగ్రహస్థానబహుత్వ-సూత్రమ్}
(ఇతి న్యాయసూత్రే ప్రథమాధ్యాయస్య ద్వితీయమ్ ఆహ్నికమ్)
(సమాప్తః చ అయమ్ ప్రథమః అధ్యాయః)
(అథ ద్వితీయః అధ్యాయః)
(ప్రథమమ్ ఆహ్నికమ్)
॥సంశయపరీక్షాప్రకరణమ్॥
౨.౧.౧ \ సమానానేకధర్మాధ్యవసాయాత్ అన్యతరధర్మాధ్యవసాయాత్ వా న సంశయః
{సంశయ-}
౨.౧.౨ \ విప్రత్తిపత్త్యవ్యవస్థాధ్యవసాయాత్ చ
{సంశయ-}
౨.౧.౩ \ విప్రత్తిపత్తౌ చ సంప్రత్తిపత్తేః
{సంశయ-}
౨.౧.౪ \ అవ్యవస్థా ఆత్మని వ్యవస్థితత్వాత్ చ అవ్యవస్థాయాః
{సంశయ-}
౨.౧.౫ \ తథా అత్యన్తసంశయః తద్ధర్మసాతత్యోపపత్తేః
{సంశయ-}
౨.౧.౬ \ యథోక్తాధ్యవసాయాత్ ఏవ తద్విశేషాపేక్షాత్ సంశయే న అసంశయః న అత్యన్తసంశయః వా
{సంశయ-}
౨.౧.౭ \ యత్ర సంశయః తత్ర ఏవమ్ ఉత్తరోత్తరప్రసఙ్గః
{సంశయ-}
॥ప్రమాణసామాన్యపరీక్షాప్రకరణమ్॥
౨.౧.౮ \ ప్రత్యక్షాదీనామ్ అప్రామాణ్యం త్రైకాల్యాసిద్ధేః
{పూర్వపక్షసూత్రమ్}
౨.౧.౯ \ పూర్వం హి ప్రమాణసిద్ధౌ న ఇన్ద్రియార్థసన్నికర్షాత్ ప్రత్యక్షోత్పత్తిః
{పూర్వపక్షసూత్రమ్}
౨.౧.౧౦ \ పశ్చాత్సిద్ధౌ న ప్రమాణేభ్యః ప్రమేయసిద్ధిః
{పూర్వపక్షసూత్రమ్}
౨.౧.౧౧ \ యుగపత్సిద్ధౌ ప్రత్యర్థనియతత్వాత్ క్రమవృత్తిత్వాభావః బుద్ధీనామ్
{పూర్వపక్షసూత్రమ్}
౨.౧.౧౨ \ త్రైకాల్యాసిద్ధేః ప్రతిషేధానుపపత్తిః
{పూర్వపక్షసూత్రమ్}
౨.౧.౧౩ \ సర్వప్రమాణప్రతిషేధాత్ చ ప్రతిషేధానుపపత్తిః
{పూర్వపక్షసూత్రమ్}
౨.౧.౧౪ \ తత్ప్రామాణ్యే వా న సర్వప్రమాణవిప్రతిషేధః
{పూర్వపక్షసూత్రమ్}
౨.౧.౧౫ \ త్రైకాల్యాప్రతిషేధః చ శబ్దాత్ ఆతోద్యసిద్ధివత్ తత్సిద్ధేః
{పూర్వపక్షసూత్రమ్}
౨.౧.౧౬ \ ప్రమేయా చ తులాప్రామాణ్యవత్
{పూర్వపక్షసూత్రమ్}
౨.౧.౧౭ \ ప్రమాణతః సిద్ధేః ప్రమాణానామ్ ప్రమాణాన్తరసిద్ధిప్రసఙ్గః
{పూర్వపక్షసూత్రమ్}
౨.౧.౧౮ \ తద్వినివృత్తేః వా ప్రమాణసిద్ధివత్ ప్రమేయసిద్ధిః
{పూర్వపక్షసూత్రమ్}
౨.౧.౧౯ \ న, ప్రదీపప్రకాశసిద్ధివత్ తత్సిద్ధేః
{సిద్ధాన్తలక్షణమ్}
౨.౧.౨౦ \ క్వచిత్ నివృత్తిదర్శనాత్ అనివృత్తిదర్శనాత్ చ క్వచిత్ అనేకాన్తః
{సిద్ధాన్తలక్షణమ్}
॥ప్రత్యక్షపరీక్షాప్రకరణామ్॥
౨.౧.౨౧ \ ప్రత్యక్షలక్షణానుపపత్తిః అసమగ్రవచనాత్
{ప్రత్యక్షలక్షణ-}
{ప్రత్యక్షలక్షణపరీక్షా}
౨.౧.౨౨ \ న ఆత్మమనసోః సన్నికర్షాభావే ప్రత్యక్షోత్పత్తిః
{ప్రత్యక్షలక్షణపరీక్షా}
౨.౧.౨౩ \ దిగ్దేశకాలాకాశేషు అపి ఏవం ప్రసఙ్గః
{ప్రత్యక్షలక్షణపరీక్షా}
౨.౧.౨౪ \ జ్ఞానలిఙ్గత్వాత్ ఆత్మనః న అనవరోధః
{ప్రత్యక్షలక్షణ-సిద్ధాన్త-సూత్రమ్}
౨.౧.౨౫ \ తదయౌగపద్యలిఙ్గత్వాత్ చ న మనసః
{ప్రత్యక్షలక్షణ-సిద్ధాన్త-సూత్ర}
౨.౧.౨౬ \ ప్రత్యక్షనిమిత్తత్వాత్ చ ఇన్ద్రియార్థయోః సన్నికర్షస్య స్వశబ్దేన వచనమ్
{ప్రత్యక్షలక్షణ-సిద్ధాన్త-సూత్ర}
౨.౧.౨౭ \ సుప్తవ్యాసక్తమనసాం చ ఇన్ద్రియార్థయోః సన్నికర్షనిమిత్తత్వాత్
{ప్రత్యక్షలక్షణ-సిద్ధాన్త-సూత్ర}
౨.౧.౨౮ \ తైః చ అపదేశః జ్ఞానవిశేషాణామ్
{ప్రత్యక్షలక్షణ-సిద్ధాన్త-సూత్ర}
౨.౧.౨౯ \ వ్యాహతత్వాత్ అహేతుః
{ప్రత్యక్షలక్షణ-సిద్ధాన్త-సూత్ర}
౨.౧.౩౦ \ న అర్థవిశేషప్రాబల్యాత్
{ప్రత్యక్షలక్షణ-సిద్ధాన్త-సూత్ర}
॥విషయపరీక్షా-ప్రకరణామ్॥
౨.౧.౩౧ \ ప్రత్యక్షమ్ అనుమానమ్ ఏకదేశగ్రహణాత్ ఉపలబ్ధేః
{పూర్వపక్ష-సూత్ర}
౨.౧.౩౨ \ న, ప్రత్యక్షేణ యావత్ తావత్ అపి ఉపలమ్భాత్
{సిద్ధాన్త-సూత్ర}
౨.౧.౩౩ \ న చైకదేశోపలబ్ధిరవయవిసద్భావాత్
{సిద్ధాన్త-సూత్ర}
॥ప్రసఙ్గోపాత్తా అవయవిపరీక్షా॥
౨.౧.౩౪ \ సాధ్యత్వాత్ అవయవిని సన్దేహః
{పూర్వపక్ష-సూత్ర}
౨.౧.౩౫ \ సర్వాగ్రహణమ్ అవయవ్యసిద్ధేః
{సిద్ధాన్త-సూత్ర}
౨.౧.౩౬ \ ధారణాకర్షణోపపత్తేః చ
{సిద్ధాన్త-సూత్ర}
౨.౧.౩౭ \ సేనావనవత్ గ్రహణమ్ ఇతి చేత్ న అతీన్ద్రియత్వాత్ అణూనామ్
{సిద్ధాన్త-సూత్ర}
॥అనుమానపరీక్షాప్రకరణమ్॥
౨.౧.౩౮ \ రోధోపఘాతసాదృశ్యేభ్యః వ్యభిచారాత్ అనుమానమ్ అప్రమాణమ్
{పూర్వపక్ష-సూత్ర}
౨.౧.౩౯ \ న, ఏకదేశత్రాససాదృశ్యేభ్యః అర్థాన్తరభావాత్
{సిద్ధాన్త-సూత్ర}
{వర్తమానకాలపరీక్షా}
౨.౧.౪౦ \ వర్తమానాభావః, పతతః పతితపతితవ్యకాలోపపత్తేః
{పూర్వపక్ష-సూత్ర}
౨.౧.౪౧ \ తయోః అపి అభావః వర్తమానాభావే, తదపేక్షత్వాత్
{సిద్ధాన్త-సూత్ర}
౨.౧.౪౨ \ న అతీతానాగతయోః ఇతరేతరాపేక్షా సిద్ధిః
{సిద్ధాన్త-సూత్ర}
౨.౧.౪౩ \ వర్తమానాభావే సర్వాగ్రహణం ప్రత్యక్షానుపపత్తేః
{సిద్ధాన్త-సూత్ర}
౨.౧.౪౪ \ కృతతాకర్త్తవ్యతోపపత్తేః తు ఉభయథా గ్రహణమ్
{సిద్ధాన్త-సూత్ర}
॥ఉపమానపరీక్షాప్రకరణమ్॥
౨.౧.౪౫ \ అత్యన్తప్రాయైకదేశసాధర్మ్యాత్ ఉపమానాసిద్ధిః
{సిద్ధాన్త-సూత్ర}
౨.౧.౪౬ \ ప్రసిద్ధసాధర్మ్యాత్ ఉపమానసిద్ధేః యథోక్తదోషానుపపత్తిః
{పూర్వపక్ష-సూత్ర}
౨.౧.౪౭ \ ప్రత్యక్షేణ అప్రత్యక్షసిద్ధేః
{సిద్ధాన్త-సూత్ర}
౨.౧.౪౮ \ న అప్రత్యక్షే గవయే ప్రమాణార్థమ్ ఉపమానస్య పశ్యామః
{సిద్ధాన్త-సూత్ర}
౨.౧.౪౯ \ తథా ఇతి ఉపసంహారాత్ ఉపమానసిద్ధేః న అవిశేషః
{సిద్ధాన్త-సూత్ర}
॥శబ్దసామాన్యపరీక్షాప్రకరణమ్॥
౨.౧.౫౦ \ శబ్దః అనుమానమ్ అర్థస్య అనుపలబ్ధేః అనుమేయత్వాత్
{పూర్వపక్ష-సూత్ర}
౨.౧.౫౧ \ ఉపలబ్ధేః అద్విప్రవృత్తిత్వాత్
{పూర్వపక్ష-సూత్ర}
౨.౧.౫౨ \ సమ్బన్ధాత్ చ
{పూర్వపక్ష-సూత్ర}
౨.౧.౫౩ \ ఆప్తోపదేశసామర్థ్యాత్ శబ్దాత్ అర్థసమ్ప్రత్యయః
{సిద్ధాన్త-సూత్ర}
౨.౧.౫౪ \ పూరణప్రదాహపాటనానుపలబ్ధేః చ సమ్బన్ధాభావః
{సిద్ధాన్త-సూత్ర}
౨.౧.౫౫ \ శబ్దార్థవ్యవస్థానాత్ అప్రతిషేధః
{సిద్ధాన్త-సూత్ర}
౨.౧.౫౬ \ న, సామయికత్వాత్ శబ్దార్థసమ్ప్రత్యయస్య
{సిద్ధాన్త-సూత్ర}
౨.౧.౫౭ \ జాతివిశేషే చ అనియమాత్
{సిద్ధాన్త-సూత్ర}
॥శబ్దవిశేషపరీక్షాప్రకరణమ్॥
౨.౧.౫౮ \ తదప్రామాణ్యమ్ అనృతవ్యాఘాతపునరుక్తదోషేభ్యః
{సిద్ధాన్త-సూత్ర}
౨.౧.౫౯ \ న, కర్మకర్తృసాధనవైగుణ్యాత్
{సిద్ధాన్త-సూత్ర}
౨.౧.౬౦ \ అభ్యుపేత్య కాలభేదే దోషవచనాత్
{సిద్ధాన్త-సూత్ర}
౨.౧.౬౧ \ అనువాదోపపత్తేః చ
{సిద్ధాన్త-సూత్ర}
౨.౧.౬౨ \ వాక్యవిభాగస్య చ అర్థగ్రహణాత్
{సిద్ధాన్త-సూత్ర}
౨.౧.౬౩ \ విధ్యర్థవాదానువాదవచనవినియోగాత్
{సిద్ధాన్త-సూత్ర}
౨.౧.౬౪ \ విధిః విధాయకః
{సిద్ధాన్త-సూత్ర}
౨.౧.౬౫ \ స్తుతిః నిన్దా పరకృతిః పురాకల్పః ఇతి అర్థవాదః
{సిద్ధాన్త-సూత్ర}
{అర్థవాద-భేదః}
౨.౧.౬౬ \ విధివిహితస్య అనువచనమ్ అనువాదః
{అర్థవాద-}
౨.౧.౬౭ \ న అనువాదపునరుక్తయోః విశేషః, శబ్దాభ్యాసోపపత్తేః
{సిద్ధాన్త-సూత్ర}
౨.౧.౬౮ \ శీఘ్రతరగమనోపదేశవత్ అభ్యాసాత్ న అవిశేషః
{సిద్ధాన్త-సూత్ర}
౨.౧.౬౯ \ మన్త్రాయుర్వేదప్రామాణ్యవత్ చ తత్ప్రామాణ్యమ్, ఆప్తప్రామాణ్యాత్
{సిద్ధాన్త-సూత్ర}
(ఇతి న్యాయసూత్రే ద్వితీయాధ్యాయస్య ప్రథమమ్ ఆహ్నికమ్)
(ద్వితీయమ్ ఆహ్నికమ్)
॥ప్రమాణచతుష్ట్వపరీక్షాప్రకరణమ్॥
౨.౨.౧ \ న చతుష్ట్వమ్, ఐతిహ్యార్థాపత్తిసమ్భవాభావప్రామాణ్యాత్
{పూర్వపక్ష-సూత్ర}
౨.౨.౨ \ శబ్దే ఐతిహ్యానర్థాన్తరభావాత్ అనుమానే అర్థాపత్తిసమ్భవాభావానర్థాన్తర భావాత్ చ అప్రతిషేధః
{సిద్ధాన్త-సూత్ర}
౨.౨.౩ \ అర్థాపత్తిః అప్రమాణమ్ అనైకాన్తికత్వాత్
{అర్థాపత్తిప్రామాణ్యపరీక్షా}
౨.౨.౪ \ అనర్థాపత్తౌ అర్థాపత్త్యభిమానాత్
{నానైకాన్తికత్వమర్థాపత్తేః}
౨.౨.౫ \ ప్రతిషేధాప్రామాణ్యం చ అనైకాన్తికత్వాత్
??
౨.౨.౬ \ తత్ప్రామాణ్యే వా న అర్థాపత్త్యప్రామాణ్యమ్
{సిద్ధాన్త-సూత్ర}
॥అభావప్రామాణ్యసిద్ధిః - అవాన్తరప్రకరణమ్॥
౨.౨.౭ \ న అభావప్రామాణ్యం ప్రమేయాసిద్ధేః
{పూర్వపక్ష-సూత్ర}
౨.౨.౮ \ లక్షితేష్వలక్షణలక్షితత్వాత్ అలక్షితానాం తత్ప్రమేయసిద్ధేః
{ఉదాహరణ సూత్ర}
౨.౨.౯ \ అసతి అర్థే న అభావః ఇతి చేత్ న, అన్యలక్షణోపపత్తేః
{సిద్ధాన్త-సూత్ర}
౨.౨.౧౦ \ తత్సిద్ధేః అలక్షితేషు అహేతుః
{పూర్వపక్ష-సూత్ర}
౨.౨.౧౧ \ న, లక్షణావస్థితాపేక్షసిద్ధేః
{సిద్ధాన్త-సూత్ర}
౨.౨.౧౨ \ ప్రాక్ ఉత్పత్తేః అభావోపపత్తేః చ
{సిద్ధాన్త-సూత్ర}
॥శబ్దానిత్యత్వపరీక్షాప్రకరణమ్ (౧౩-౩౯)॥
౨.౨.౧౩ \ ఆదిమత్వాత్ ఐన్ద్రియకత్వాత్ కృతకవత్ ఉపచారాత్ చ
{శబ్దానిత్యత్వ-ప్రతిపాదన-సూత్ర}
౨.౨.౧౪ \ న, ఘటాభావసామాన్యనిత్యత్వాత్ నిత్యేషు అపి అనిత్యవత్ ఉపచారాత్ చ
{సిద్ధాన్త-సూత్ర}
౨.౨.౧౫ \ తత్త్వభాక్తయోః నానాత్వవిభాగాత్ అవ్యభిచారః
{శబ్దానిత్యత్వ-ప్రతిపాదన-సూత్ర}
{సిద్ధాన్త-సూత్ర}
౨.౨.౧౬ \ సన్తానానుమానవిశేషణాత్
{శబ్దానిత్యత్వ-ప్రతిపాదన-సూత్ర}
{సిద్ధాన్త-సూత్ర}
౨.౨.౧౭ \ కారణద్రవ్యస్య ప్రదేశశబ్దేనాభిధానాత్
{శబ్దానిత్యత్వ-ప్రతిపాదన-సూత్ర}
{సిద్ధాన్త-సూత్ర}
౨.౨.౧౮ \ ప్రాక్ ఉచ్చారణాత్ అనుపలబ్ధేః ఆవరణాద్యనుపలబ్ధేః చ
{శబ్దానిత్యత్వ-ప్రతిపాదన-సూత్ర}
౨.౨.౧౯ \ తదనుపలబ్ధేః అనుపలమ్భాత్ ఆవరణోపపత్తిః
{శబ్దానిత్యత్వ-ప్రతిపాదన-సూత్ర}
౨.౨.౨౦ \ అనుపలమ్భాత్ అనుపలబ్ధిసద్భావాత్ న ఆవరణానుపపత్తిః అనుపలమ్భాత్
{సిద్ధాన్త-సూత్ర}
౨.౨.౨౧ \ అనుపలమ్భాత్మకత్వాత్ అనుపలబ్ధేః అహేతుః
{సిద్ధాన్త-సూత్ర}
౨.౨.౨౨ \ అస్పర్శత్వాత్
{సిద్ధాన్త-సూత్ర}
౨.౨.౨౩ \ న, కర్మానిత్యత్వాత్
{సిద్ధాన్త-సూత్ర}
౨.౨.౨౪ \ న, అణునిత్యత్వాత్
{సిద్ధాన్త-సూత్ర}
౨.౨.౨౫ \ సమ్ప్రదానాత్
{సిద్ధాన్త-సూత్ర}
౨.౨.౨౬ \ తదన్తరాలానుపలబ్ధేః అహేతుః
{సిద్ధాన్త-సూత్ర}
౨.౨.౨౭ \ అధ్యాపనాత్ అప్రతిషేధః
{సిద్ధాన్త-సూత్ర}
౨.౨.౨౮ \ ఉభయోః పక్షయోః అన్యతరస్య అధ్యాపనాత్ అప్రతిషేధః
{సిద్ధాన్త-సూత్ర}
౨.౨.౨౯ \ అభ్యాసాత్
{సిద్ధాన్త-సూత్ర}
౨.౨.౩౦ \ న అన్యత్వే అపి అభ్యాసస్య ఉపచారాత్
{సిద్ధాన్త-సూత్ర}
౨.౨.౩౧ \ అన్యత్ అన్యస్మాత్ అనన్యత్వాత్ అనన్యత్ ఇతి అన్యతాభావః
{సిద్ధాన్త-సూత్ర}
౨.౨.౩౨ \ తదభావే న అస్తి అనన్యతా, తయోః ఇతరేతరాపేక్షసిద్ధేః
{సిద్ధాన్త-సూత్ర}
౨.౨.౩౩ \ వినాశకారణానుపలబ్ధేః
{సిద్ధాన్త-సూత్ర}
౨.౨.౩౪ \ అశ్రవణకారణానుపలబ్ధేః సతతశ్రవణప్రసఙ్గః
{సిద్ధాన్త-సూత్ర}
౨.౨.౩౫ \ ఉపలభ్యమానే చ అనుపలబ్ధేః అసత్త్వాత్ అనపదేశః
{సిద్ధాన్త-సూత్ర}
౨.౨.౩౬ \ పాణినిమిత్తప్రశ్లేషాత్ శబ్దాభావే న అనుపలబ్ధిః
{సిద్ధాన్త-సూత్ర}
౨.౨.౩౭ \ వినాశకారణానుపలబ్ధేః చ అవస్థానే తన్నిత్యత్వప్రసఙ్గః
{సిద్ధాన్త-సూత్ర}
౨.౨.౩౮ \ అస్పర్శత్వాత్ అప్రతిషేధః
{సిద్ధాన్త-సూత్ర}
౨.౨.౩౯ \ విభక్త్యన్తరోపపత్తేః చ సమాసే
{సిద్ధాన్త-సూత్ర}
॥శబ్దపరిణామపరీక్షాప్రకరణమ్ (౪౦-౫౬)॥
౨.౨.౪౦ \ వికారాదేశోపదేశాత్ సంశయః
{పూర్వపక్ష-సూత్ర}
౨.౨.౪౧ \ ప్రకృతివివృద్ధౌ వికారవివృద్ధేః
{సిద్ధాన్త-సూత్ర}
౨.౨.౪౨ \ న్యూనసమాధికోపలబ్ధేః వికారాణామ్ అహేతుః
{సిద్ధాన్త-సూత్ర}
౨.౨.౪౩ \ ద్వివిధస్య అపి హేతోః అభావాత్ అసాధనం దృష్టాన్తః
{ఉదాహరణసూత్ర}
౨.౨.౪౪ \ న, అతుల్యప్రకృతీనామ్ వికారవికల్పాత్
{సిద్ధాన్త-సూత్ర}
౨.౨.౪౫ \ ద్రవ్యవికారవైషమ్యవత్ వర్ణవికారవికలః
{పూర్వపక్ష-సూత్ర}
౨.౨.౪౬ \ న, వికారధర్మానుపపత్తేః
{సిద్ధాన్త-సూత్ర}
౨.౨.౪౭ \ వికారప్రాప్తానామ్ అపునరాపత్తేః
{సిద్ధాన్త-సూత్ర}
౨.౨.౪౮ \ సువర్ణాదీనాం పునరాపత్తేః అహేతుః
{పూర్వపక్ష-సూత్ర}
౨.౨.౪౯ \ న, తద్వికారాణాం సువర్ణభావావ్యతిరేకాత్
{సిద్ధాన్త-సూత్ర}
౨.౨.౫౦ \ వర్ణత్వావ్యతిరేకాత్ వర్ణవికారాణామ్ అప్రతిషేధః
{సిద్ధాన్త-సూత్ర}
౨.౨.౫౧ \ సామాన్యవతో ధర్మయోగో న సామాన్యస్య
{సిద్ధాన్త-సూత్ర}
౨.౨.౫౨ \ నిత్యత్వే అవికారాత్ అనిత్యత్వే చ అనవస్థానాత్
{సిద్ధాన్త-సూత్ర}
౨.౨.౫౩ \ నిత్యానామ్ అతీన్ద్రియత్వాత్ తద్ధర్మవికల్పాత్ చ వర్ణవికారాణామ్ అప్రతిషేధః
{పూర్వపక్ష-సూత్ర}
౨.౨.౫౪ \ అనవస్థాయిత్వే చ వర్ణోపలబ్ధివత్ తద్వికారోపపత్తిః
{పూర్వపక్ష-సూత్ర}
౨.౨.౫౫ \ వికారధర్మిత్వే నిత్యత్వాభావాత్ కాలాన్తరే వికారోపపత్తేః చ అప్రతిషేధః
{సిద్ధాన్త-సూత్ర}
౨.౨.౫౬ \ ప్రకృత్యనియమాత్
{సిద్ధాన్త-సూత్ర}
౨.౨.౫౭ \ అనియమే నియమాత్ న అనియమః
{పూర్వపక్ష-సూత్ర}
౨.౨.౫౮ \ నియమానియమవిరోధాత్ అనియమే నియమాత్ చ అప్రతిషేధః
{సిద్ధాన్త-సూత్ర}
౨.౨.౫౯ \ గుణాన్తరాపత్త్యుపమర్ద-హ్రాస-వృద్ధి-శ్లేషేభ్యః తు వికారోపపత్తేః వర్ణవికారాః
{సిద్ధాన్త-సూత్ర}
॥శబ్దశక్తిపరీక్షాప్రకరణమ్॥
౨.౨.౬౦ \ తే విభక్త్యన్తాః పదమ్
{పద-లక్షణ-సూత్రమ్}
౨.౨.౬౧ \ వ్యక్త్యాకృతిజాతిసన్నిధౌ ఉపచారాత్ సంశయః
{పూర్వపక్ష-సూత్ర}
॥వ్యక్తివాద-అవాన్తరప్రకరణమ్॥
౨.౨.౬౨ \ యాశబ్ద-సమూహ-త్యాగ-పరిగ్రహ-సఙ్ఖ్యా-వృద్ధ్యపచయ-వర్ణ-సమాసానుబన్ధానామ్ వ్యక్తౌ ఉపచారాత్ వ్యక్తిః
{పూర్వపక్ష-సూత్ర}
౨.౨.౬౩ \ న, తత్ అనవస్థానాత్
{సిద్ధాన్త-సూత్ర}
౨.౨.౬౪ \ సహచరణ-స్థాన-తాదర్థ్య-వృత్త-మాన-ధారణ-సామీప్య-యోగ-సాధనాధిపత్యేభ్యః
బ్రాహ్మణ-మఞ్చ-కట-రాజ-సక్తు-చన్దన-గఙ్గా-శాటకాన్న-పురుషేష్వతద్భావే అపి తదుపచారః
{సిద్ధాన్త-సూత్ర}
॥ఆకృతివాద-అవాన్తరప్రకరణమ్॥
౨.౨.౬౫ \ ఆకృతిః, తదపేక్షత్వాత్ సత్త్వవ్యవస్థానసిద్ధేః
{పూర్వపక్ష-సూత్ర}
॥జాతివాద-అవాన్తరప్రకరణమ్॥
౨.౨.౬౬ \ వ్యక్త్యాకృతియుక్తే అపి అప్రసఙ్గాత్ ప్రోక్షణాదినాం మృద్గవకే జాతిః
{పూర్వపక్ష-సూత్ర}
౨.౨.౬౭ \ న, ఆకృతివ్యక్త్యపేక్షత్వాత్ జాత్యభివ్యక్తేః
{సిద్ధాన్త-సూత్ర}
॥సిద్ధాన్తవాద-అవాన్తరప్రకరణమ్॥
౨.౨.౬౮ \ వ్యక్త్యాకృతిజాతయః తు పదార్థః
{సిద్ధాన్త-సూత్ర}
౨.౨.౬౯ \ వ్యక్తిః గుణవిశేషాశ్రయః మూర్తిః
{సిద్ధాన్త-సూత్ర}
౨.౨.౭౦ \ ఆకృతిః జాతిలిఙ్గాఖ్యా
{సిద్ధాన్త-సూత్ర}
౨.౨.౭౧ \ సమానప్రసవాత్మికా జాతిః
{సిద్ధాన్త-సూత్ర}
(ఇతి న్యాయసూత్రే ద్వితీయాధ్యాయస్య ద్వితీయమ్ ఆహ్నికమ్)
సమాప్తః చ అయమ్ ద్వితీయాధ్యాయః
(అథ తృతీయః అధ్యాయః)
(ప్రథమమ్ ఆహ్నికమ్)
॥ఇన్ద్రియవ్యతిరిక్తాత్మపరీక్షాప్రకరణం (౧-౩)॥
౩.౧.౧ \ దర్శనస్పర్శనాభ్యామ్ ఏకార్థగ్రహణాత్
{పూర్వపక్ష-సూత్ర}
౩.౧.౨ \ న, విషయవ్యవస్థానాత్
{పూర్వపక్ష-సూత్ర}
౩.౧.౩ \ తద్వ్యవస్థానాత్ ఏవ ఆత్మసద్భావాత్ అప్రతిషేధః
{సిద్ధాన్త-సూత్ర}
॥శరీరవ్యతిరిక్తాత్మపరీక్షాప్రకరణమ్॥
౩.౧.౪ \ శరీరదాహే పాతకాభావాత్
{సిద్ధాన్త-సూత్ర}
౩.౧.౫ \ తదభావః సాత్మకప్రదాహే అపి, తన్నిత్యత్వాత్
{పూర్వపక్ష-సూత్ర}
౩.౧.౬ \ న, కార్యాశ్రయకర్తృవధాత్
{సిద్ధాన్త-సూత్ర}
॥ప్రాసఙ్గికం చక్షురద్వైతపరీక్షాప్రకరణమ్ (౭-౧౪)॥
౩.౧.౭ \ సవ్యదృష్టస్య ఇతరేణ ప్రత్యభిజ్ఞానాత్
{సిద్ధాన్త-సూత్ర}
౩.౧.౮ \ న ఏకస్మిన్ నాసాస్థివ్యవహితే ద్విత్వాభిమానాత్
{పూర్వపక్ష-సూత్ర}
౩.౧.౯ \ ఏకవినాశే ద్వితీయావినాశాత్ న ఏకత్వమ్
{సిద్ధాన్త-సూత్ర}
౩.౧.౧౦ \ అవయవనాశే అపి అవయవ్యుపలబ్ధేః అహేతుః
{పూర్వపక్ష-సూత్ర}
౩.౧.౧౧ \ దృష్టాన్తవిరోధాత్ అప్రతిషేధః
{సిద్ధాన్త-సూత్ర}
౩.౧.౧౨ \ ఇన్ద్రియాన్తరవికారాత్
{సిద్ధాన్త-సూత్ర}
౩.౧.౧౩ \ న, స్మృతేః స్మర్త్తవ్యవిషయత్వాత్
{పూర్వపక్ష-సూత్ర}
౩.౧.౧౪ \ తదాత్మగుణసద్భావాత్ అప్రతిషేధః
{సిద్ధాన్త-సూత్ర}
॥ఆత్మమనోభేదపరీక్షాప్రకరణమ్ (౧౫-౧౭)॥
౩.౧.౧౫ \ న, ఆత్మప్రతిపత్తిహేతూనాం మనసి సమ్భవాత్
{పూర్వపక్ష-సూత్ర}
౩.౧.౧౬ \ జ్ఞాతుః జ్ఞానసాధనోపపత్తేః సంజ్ఞాభేదమాత్రమ్
{సిద్ధాన్త-సూత్ర}
౩.౧.౧౭ \ నియమః చ నిరనుమానః
{సిద్ధాన్త-సూత్ర}
॥ఆత్మనిత్యత్వపరీక్షాప్రకరణమ్ (౧౮-౨౬)॥
౩.౧.౧౮ \ పూర్వాభ్యస్తస్మృత్యనుబన్ధాత్ జాతస్య హర్షభయశోకసమ్ప్రతిపత్తేః
{సిద్ధాన్త-సూత్ర}
౩.౧.౧౯ \ పద్మాదిషు ప్రబోధసమ్మీలనవికారవత్ తద్వికారః
{పూర్వపక్ష-సూత్ర}
౩.౧.౨౦ \ న, ఉష్ణశీతవర్షాకాలనిమిత్తత్వాత్ పఞ్చాత్మకవికారాణామ్
{సిద్ధాన్త-సూత్ర}
౩.౧.౨౧ \ ప్రేత్యాహారాభ్యాసకృతాత్ స్తన్యాభిలాషాత్
{సిద్ధాన్త-సూత్ర}
౩.౧.౨౨ \ అయసః అయస్కాన్తాభిగమనవత్ తదుపసర్పణమ్
{పూర్వపక్ష-సూత్ర}
౩.౧.౨౩ \ న, అన్యత్ర ప్రవృత్త్యభావాత్
{సిద్ధాన్త-సూత్ర}
౩.౧.౨౪ \ వీతరాగజన్మాదర్శనాత్
{సిద్ధాన్త-సూత్ర}
౩.౧.౨౫ \ సగుణద్రవ్యోత్పత్తివత్ తదుత్పత్తిః
{పూర్వపక్ష-సూత్ర}
౩.౧.౨౬ \ న, సఙ్కల్పనిమిత్తత్వాత్ రాగాదీనామ్
{సిద్ధాన్త-సూత్ర}
॥శరీరపరీక్షాప్రకరణమ్ (౨౭-౩౧)॥
౩.౧.౨౭ \ పార్థివం గుణాన్తరోపలబ్ధేః
{సిద్ధాన్త-సూత్ర}
౩.౧.౨౮ \ పార్థివాప్యతైజసం తద్గుణోపలబ్ధేః
{సిద్ధాన్త-సూత్ర}
౩.౧.౨౯ \ నిఃశ్వాసోచ్ఛ్వాసోపలబ్ధేః చాతుర్భౌన్తికమ్
{పూర్వపక్ష-సూత్ర}
౩.౧.౩౦ \ గన్ధక్లేదపాకవ్యూహావకాశదానేభ్యః పాఞ్చభౌతికమ్
{పూర్వపక్ష-సూత్ర}
౩.౧.౩౧ \ శ్రుతిప్రామాణ్యాత్ చ
{సిద్ధాన్త-సూత్ర}
॥ఇన్ద్రియపరీక్షాప్రకరణమ్ (౩౨-౫౧)॥
౩.౧.౩౨ \ కృష్ణసారే సతి ఉపలమ్భాత్ వ్యతిరిచ్య చ ఉపలమ్భాత్ సంశయః
{సిద్ధాన్త-సూత్ర}
౩.౧.౩౩ \ మహదణుగ్రహణాత్
{సాఙ్ఖ్యమతఖణ్డనమ్}
౩.౧.౩౪ \ రశ్మ్యర్థసన్నికర్షవిశేషాత్ తద్గ్రహణమ్
{సిద్ధాన్త-సూత్ర}
౩.౧.౩౫ \ తదనుపలబ్ధేః అహేతుః
{సిద్ధాన్త-సూత్ర}
౩.౧.౩౬ \ న అనుమీయమానస్య ప్రత్యక్షతః అనుపలబ్ధిః అభావహేతుః
{సిద్ధాన్త-సూత్ర}
౩.౧.౩౭ \ ద్రవ్యగుణధర్మభేదాత్ చ ఉపలబ్ధినియమః
{సిద్ధాన్త-సూత్ర}
౩.౧.౩౮ \ అనేకద్రవ్యసమవాయాత్ రూపవిశేషాత్ చ రూపోపలబ్ధిః
{సిద్ధాన్త-సూత్ర}
౩.౧.౩౯ \ కర్మకారితః చ ఇన్ద్రియాణాం వ్యూహః పురుషార్థతన్త్రః
{సిద్ధాన్త-సూత్ర}
౩.౧.౪౦ \ మధ్యన్దినోల్కాప్రకాశానుపలబ్ధివత్ తదనుపలబ్ధిః
{సిద్ధాన్త-సూత్ర}
౩.౧.౪౧ \ న, రాత్రౌ అపి అనుపలబ్ధేః
{సిద్ధాన్త-సూత్ర}
౩.౧.౪౨ \ బాహ్యప్రకాశానుగ్రహాత్ విషయోపలబ్ధేః అనభివ్యక్తితః అనుపలబ్ధిః
{సిద్ధాన్త-సూత్ర}
౩.౧.౪౩ \ అభివ్యక్తౌ చ అభిభవాత్
{సిద్ధాన్త-సూత్ర}
౩.౧.౪౪ \ నక్తఞ్చరనయనరశ్మిదర్శనాత్ చ
{సిద్ధాన్త-సూత్ర}
౩.౧.౪౫ \ అప్రాప్యగ్రహణం కాచాభ్రపటలస్ఫటికాన్తరితోపలబ్ధేః
{పూర్వపక్ష-సూత్ర}
౩.౧.౪౬ \ కుడ్యాన్తరితానుపలబ్ధేః అప్రతిషేధః
{సిద్ధాన్త-సూత్ర}
౩.౧.౪౭ \ అప్రతీఘాతాత్ సన్నికర్షోపపత్తిః
{సిద్ధాన్త-సూత్ర}
౩.౧.౪౮ \ ఆదిత్యరశ్మేః స్ఫటికాన్తరితే అపి దాహ్యే అవిఘాతాత్
{సిద్ధాన్త-సూత్ర}
౩.౧.౪౯ \ న ఇతరేతరధర్మప్రసఙ్గాత్
{పూర్వపక్ష-సూత్ర}
౩.౧.౫౦ \ ఆదర్శోదకయోః ప్రసాదస్వాభావ్యాత్ రూపోపలబ్ధిః
{సిద్ధాన్త-సూత్ర}
౩.౧.౫౧ \ దృష్టానుమితానాం హి నియోగప్రతిషేధానుపపత్తిః
{సిద్ధాన్త-సూత్ర}
॥ఇన్ద్రియనానాత్వపరీక్షాప్రకరణమ్ (౫౨-౬౨)॥
౩.౧.౫౨ \ స్థానాన్యత్వే నానాత్వాత్ అవయవినానాస్థానత్వాత్ చ సంశయః
{సిద్ధాన్త-సూత్ర}
౩.౧.౫౩ \ త్వక్ అవ్యతిరేకాత్
{పూర్వపక్ష-సూత్ర}
౩.౧.౫౪ \ న యుగపత్ అర్థానుపలబ్ధేః
{సిద్ధాన్త-సూత్ర}
౩.౧.౫౫ \ విప్రతిషేధాత్ చ న త్వక్ ఏకా
{సిద్ధాన్త-సూత్ర}
౩.౧.౫౬ \ ఇన్ద్రియార్థపఞ్చత్వాత్
{సిద్ధాన్త-సూత్ర}
౩.౧.౫౭ \ న, తదర్థబహుత్వాత్
{పూర్వపక్ష-సూత్ర}
౩.౧.౫౮ \ గన్ధత్వాద్యవ్యతిరేకాత్ గన్ధాదీనామప్రతిషేధః
{సిద్ధాన్త-సూత్ర}
౩.౧.౫౯ \ విషయత్వావ్యతిరేకాత్ ఏకత్వమ్
{సిద్ధాన్త-సూత్ర}
౩.౧.౬౦ \ న, బుద్ధిలక్షణాధిష్ఠాన-గత్యాకృతి-జాతిపఞ్చత్వేభ్యః
{సిద్ధాన్త-సూత్ర}
౩.౧.౬౧ \ భూతగుణవిశేషోపలబ్ధేః తాదాత్మ్యమ్
{సిద్ధాన్త-సూత్ర}
॥అర్థపరీక్షాప్రకరణమ్ (౬౨-౭౪)॥
౩.౧.౬౨ \ గన్ధ-రస-రూప-స్పర్శ-శబ్దానాం స్పర్శపర్యన్తాః పృథివ్యాః
{సిద్ధాన్త-సూత్ర}
౩.౧.౬౩ \ అప్-తేజో-వాయూనాం పూర్వం పూర్వమ్ అపోహ్య ఆకాశస్య ఉత్తరః
{పూర్వపక్ష-సూత్ర}
౩.౧.౬౪ \ న, సర్వగుణానుపలబ్ధేః
{సిద్ధాన్త-సూత్ర}
౩.౧.౬౫ \ ఏకైకశ్యేన ఉత్తరగుణాసద్భావాత్ ఉత్తరోత్తరాణాం తదనుపలబ్ధిః
{పూర్వపక్ష-సూత్ర}
౩.౧.౬౬ \ విష్టం హి అపరం పరేణ
{పూర్వపక్ష-సూత్ర}
౩.౧.౬౭ \ న, పార్థివాప్యయోః ప్రత్యక్షత్వాత్
{సిద్ధాన్త-సూత్ర}
౩.౧.౬౮ \ పూర్వపూర్వగుణోత్కర్షాత్ తత్తత్ ప్రధానమ్
{సిద్ధాన్త-సూత్ర}
౩.౧.౬౯ \ తద్ధ్యవస్థానం తు భూయస్త్వాత్
{సిద్ధాన్త-సూత్ర}
౩.౧.౭౦ \ సగుణానామ్ ఇన్ద్రియభావాత్
{సిద్ధాన్త-సూత్ర}
౩.౧.౭౧ \ తేన ఏవ తస్య అగ్రహణాత్ చ
{సిద్ధాన్త-సూత్ర}
౩.౧.౭౨ \ న, శబ్దగుణోపలబ్ధేః
{పూర్వపక్ష-సూత్ర}
౩.౧.౭౩ \ తదుపలబ్ధిః ఇతరేతరద్రవ్యగుణవైధర్మ్యాత్
{సిద్ధాన్త-సూత్ర}
(ఇతి న్యాయసూత్రే తృతీయాధ్యాయస్య ప్రథమమ్ ఆహ్నికమ్)
(ద్వితీయమ్ ఆహ్నికమ్)
॥బుద్ధేరనిత్యత్వపరీక్షాప్రకరణమ్ (౧-౯)॥
౩.౨.౧ \ కర్మాకాశసాధర్మ్యాత్ సంశయః
{సిద్ధాన్త-సూత్ర}
౩.౨.౨ \ విషయప్రత్యభిజ్ఞానాత్
{సిద్ధాన్త-సూత్ర}
౩.౨.౩ \ సాధ్యసమత్వాత్ అహేతుః
{సిద్ధాన్త-సూత్ర}
౩.౨.౪ \ న, యుగపత్ అగ్రహణాత్
{సిద్ధాన్త-సూత్ర}
౩.౨.౫ \ అప్రత్యభిజ్ఞానే చ వినాశప్రసఙ్గః
{సిద్ధాన్త-సూత్ర}
౩.౨.౬ \ క్రమవృత్తిత్వాత్ అయుగపత్ గ్రహణమ్
{సిద్ధాన్త-సూత్ర}
౩.౨.౭ \ అప్రత్యభిజ్ఞానం చ విషయాన్తరవ్యాసఙ్గాత్
{సిద్ధాన్త-సూత్ర}
౩.౨.౮ \ న, గత్యభావాత్
{సిద్ధాన్త-సూత్ర}
౩.౨.౯ \ స్ఫటికాన్యత్వాభిమానవత్ తదన్యత్వాభిమానః
{సిద్ధాన్త-సూత్ర}
॥క్షణభఙ్గపరీక్షాప్రకరణమ్ (౧౦-౧౭)॥
౩.౨.౧౦ \ స్ఫటికే అపి అపరాపరోత్పత్తేః క్షణికత్వాత్ వ్యక్తీనామ్ అహేతుః
{సిద్ధాన్త-సూత్ర}
౩.౨.౧౧ \ నియమహేత్వభావాత్ యథాదర్శనమ్ అభ్యనుజ్ఞా
{సిద్ధాన్త-సూత్ర}
౩.౨.౧౨ \ న, ఉత్పత్తివినాశకారణోపలబ్ధేః
{సిద్ధాన్త-సూత్ర}
౩.౨.౧౩ \ క్షీరవినాశే కారణానుపలబ్ధివత్ దధ్యుత్పత్తివత్ చ తదుత్పత్తిః
{పూర్వపక్ష-సూత్ర}
౩.౨.౧౪ \ లిఙ్గతః గ్రహణాత్ న అనుపలబ్ధిః
{సిద్ధాన్త-సూత్ర}
౩.౨.౧౫ \ న పయసః పరిణామ-గుణాన్తరప్రాదుర్భావాత్
{సిద్ధాన్త-సూత్ర}
౩.౨.౧౬ \ వ్యూహాన్తరాత్ ద్రవ్యాన్తరోత్పత్తిదర్శనం పూర్వద్రవ్యనివృత్తేః అనుమానమ్
{సిద్ధాన్త-సూత్ర}
౩.౨.౧౭ \ క్వచిత్ వినాశకారణానుపలబ్ధేః క్వచిత్ చ ఉపలబ్ధేః అనేకాన్తః
{సిద్ధాన్త-సూత్ర}
॥బుద్ధేరాత్మగుణత్వపరీక్షాప్రకరణామ్ (౧౮-౪౧)॥
౩.౨.౧౮ \ న ఇన్ద్రియార్థయోః, తద్వినాశే అపి జ్ఞానావస్థానాత్
{సిద్ధాన్త-సూత్ర}
౩.౨.౧౯ \ యుగపత్ జ్ఞానానుపలబ్ధేః చ న మనసః
{సిద్ధాన్త-సూత్ర}
౩.౨.౨౦ \ తత్ ఆత్మగుణత్వే అపి తుల్యమ్
{పూర్వపక్ష-సూత్ర}
౩.౨.౨౧ \ ఇన్ద్రియైః మనసః సన్నికర్షాభావాత్ తదనుత్పత్తిః
{పూర్వపక్ష-సూత్ర}
౩.౨.౨౨ \ న, ఉత్పత్తికారణానపదేశాత్
{సిద్ధాన్త-సూత్ర}
౩.౨.౨౩ \ వినాశకారణానుపలబ్ధేః చ అవస్థానే తన్నిత్యత్వప్రసఙ్గః
{పూర్వపక్ష-సూత్ర}
౩.౨.౨౪ \ అనిత్యత్వగ్రహాత్ బుద్ధేః బుద్ధ్యన్తరాత్ వినాశః శబ్దవత్
{సిద్ధాన్త-సూత్ర}
౩.౨.౨౫ \ జ్ఞానసమవేతాత్మప్రదేశసన్నికర్షాత్ మనసః స్మృత్యుత్పత్తేః న యుగపత్ ఉత్పత్తిః
{పూర్వపక్ష-సూత్ర}
౩.౨.౨౬ \ న, అన్తః-శరీరవృత్తిత్వాత్ మనసః
{సిద్ధాన్త-సూత్ర}
౩.౨.౨౭ \ సాధ్యత్వాత్ అహేతుః
{పూర్వపక్ష-సూత్ర}
౩.౨.౨౮ \ స్మరతః శరీరధారణోపపత్తేః అప్రతిషేధః
{సిద్ధాన్త-సూత్ర}
౩.౨.౨౯ \ న, తదాశుగతిత్వాన్మనసః
{పూర్వపక్ష-సూత్ర}
౩.౨.౩౦ \ న, స్మరణకాలానియమాత్
{సిద్ధాన్త-సూత్ర}
౩.౨.౩౧ \ ఆత్మప్రేరణ-యదృచ్ఛా-జ్ఞతాభిః చ న సంయోగవిశేషః
{పూర్వపక్ష-సూత్ర}
౩.౨.౩౨ \ వ్యాసక్తమనసః పాదవ్యథనేన సంయోగవిశేషేణ సమానమ్
{సిద్ధాన్త-సూత్ర}
౩.౨.౩౩ \ ప్రణిధానలిఙ్గాదిజ్ఞానానామ్ అయుగపద్భావాత్ అయుగపత్స్మరణమ్
{సిద్ధాన్త-సూత్ర}
౩.౨.౩౪ \ జ్ఞస్య ఇచ్ఛాద్వేషనిమిత్తత్వాత్ ఆరమ్భనివృత్త్యోః
{సిద్ధాన్త-సూత్ర}
౩.౨.౩౫ \ తల్లిఙ్గత్వాత్ ఇచ్ఛాద్వేషయోః పార్థివాద్యేషు అప్రతిషేధః
{పూర్వపక్ష-సూత్ర}
౩.౨.౩౬ \ పరశ్వాదిషు ఆరమ్భనివృత్తిదర్శనాత్
{సిద్ధాన్త-సూత్ర}
౩.౨.౩౭ \ నియమానియమౌ తు తద్విశేషకౌ
{సిద్ధాన్త-సూత్ర}
౩.౨.౩౮ \ యథోక్తహేతుత్వాత్ పారతన్త్ర్యాత్ అకృతాభ్యాగమాత్ చ న మనసః
{సిద్ధాన్త-సూత్ర}
౩.౨.౩౯ \ పరిశేషాత్ యథోక్తహేతూపపత్తేః చ
{సిద్ధాన్త-సూత్ర}
౩.౨.౪౦ \ స్మరణం తు ఆత్మనః జ్ఞస్వాభావ్యాత్
{సిద్ధాన్త-సూత్ర}
౩.౨.౪౧ \ ప్రణిధాన-నిబన్ధాభ్యాస-లిఙ్గ-లక్షణ-సాదృశ్య-పరిగ్రహాశ్రయాశ్రిత సమ్బన్ధానన్తర్య-వియోగైకకార్య-
విరోధాతిశయ-ప్రాప్తి-వ్యవధాన-సుఖ-దుఃఖేచ్ఛా ద్వేష-భయార్థిత్వ-క్రియారాగ-ధర్మాధర్మనిమిత్తేభ్యః
{సిద్ధాన్త-సూత్ర}
॥బుద్ధేరుత్పన్నాపవర్గిత్వపరీక్షాప్రకరణమ్ (౪౨-౪౫)॥
౩.౨.౪౨ \ కర్మానవస్థాయిగ్రహణాత్
{సిద్ధాన్త-సూత్ర}
౩.౨.౪౩ \ అవ్యక్తగ్రహణమ్ అనవస్థాయిత్వాత్ విద్యుత్సమ్పాతే రూపావ్యక్తగ్రహణవత్
{సిద్ధాన్త-సూత్ర}
౩.౨.౪౪ \ హేతూపాదానాత్ ప్రతిషేద్ధవ్యాభ్యనుజ్ఞా
{సిద్ధాన్త-సూత్ర}
౩.౨.౪౫ \ న ప్రదీపార్చిఃసన్తత్యభివ్యక్తగ్రహణవత్ తద్గ్రహణమ్
{సిద్ధాన్త-సూత్ర}
॥బుద్ధేః శరీరగుణవ్యతిరేకపరీక్షాప్రకరణమ్ (౪౬-౫౫)॥
౩.౨.౪౬ \ ద్రవ్యే స్వగుణపరగుణోపలబ్ధేః సంశయః
{సిద్ధాన్త-సూత్ర}
౩.౨.౪౭ \ యావచ్ఛరీరభావిత్వాత్ రూపాదీనామ్
{సిద్ధాన్త-సూత్ర}
౩.౨.౪౮ \ న, పాకజగుణాన్తరోత్పత్తేః
{సిద్ధాన్త-సూత్ర}
౩.౨.౪౯ \ ప్రతిద్వన్ద్విసిద్ధేః పాకజానామ్ అప్రతిషేధః
{సిద్ధాన్త-సూత్ర}
౩.౨.౫౦ \ శరీరవ్యాపిత్వాత్
{సిద్ధాన్త-సూత్ర}
౩.౨.౫౧ \ న, కేశనఖాదిషు అనుపలబ్ధేః
{పూర్వపక్ష-సూత్ర}
౩.౨.౫౨ \ త్వక్పర్యన్తత్వాత్ శరీరస్య కేశనఖాదిషు అప్రసఙ్గః
{సిద్ధాన్త-సూత్ర}
౩.౨.౫౩ \ శరీరగుణవైధర్మ్యాత్
{సిద్ధాన్త-సూత్ర}
౩.౨.౫౪ \ న, రూపాదీనామ్ ఇతరేతరవైధర్మ్యాత్
{పూర్వపక్ష-సూత్ర}
౩.౨.౫౫ \ ఐన్ద్రియకత్వాత్ రూపాదీనామ్ అప్రతిషేధః
{సిద్ధాన్త-సూత్ర}
॥మనఃపరీక్షాప్రకరణమ్ (౫౬-౫౯)॥
౩.౨.౫౬ \ జ్ఞానాయౌగపద్యాత్ ఏకమ్ మనః
{సిద్ధాన్త-సూత్ర}
౩.౨.౫౭ \ న, యుగపత్ అనేకక్రియోపలబ్ధేః
{పూర్వపక్ష-సూత్ర}
౩.౨.౫౮ \ అలాతచక్రదర్శనవత్ తదుపలబ్ధిః ఆశుసఞ్చారాత్
{సిద్ధాన్త-సూత్ర}
౩.౨.౫౯ \ యథోక్తహేతుత్వాత్ చ అణు
{సిద్ధాన్త-సూత్ర}
॥అదృష్టనిష్పాద్యత్వపరీక్షాప్రకరణమ్ (౬౦-౭౨)॥
౩.౨.౬౦ \ పూర్వకృతఫలానుబన్ధాత్ తదుత్పత్తిః
{సిద్ధాన్త-సూత్ర}
౩.౨.౬౧ \ భూతేభ్యః మూర్త్యుపాదానవత్ తదుపాదానమ్
{పూర్వపక్ష-సూత్ర}
౩.౨.౬౨ \ న, సాధ్యసమత్వాత్
{సిద్ధాన్త-సూత్ర}
౩.౨.౬౩ \ న, ఉత్పత్తినిమిత్తత్వాత్ మాతాపిత్రోః
{సిద్ధాన్త-సూత్ర}
౩.౨.౬౪ \ తథా ఆహారస్య
{సిద్ధాన్త-సూత్ర}
౩.౨.౬౫ \ ప్రాప్తౌ చ అనియమాత్
{సిద్ధాన్త-సూత్ర}
౩.౨.౬౬ \ శరీరోత్పత్తినిమిత్తవత్ సంయోగోత్పత్తినిమిత్తం కర్మ
{సిద్ధాన్త-సూత్ర}
౩.౨.౬౭ \ ఏతేన అనియమః ప్రత్యుక్తః
{సిద్ధాన్త-సూత్ర}
౩.౨.౬౮ \ తత్ అదృష్టకారితమ్ ఇతి చేత్ పునః తత్ప్రసఙ్గః అపవర్గే
{సిద్ధాన్త-సూత్ర}
౩.౨.౬౯ \ మనఃకర్మనిమిత్తత్వాత్ చ సంయోగావ్యుచ్ఛేదః
{సిద్ధాన్త-సూత్ర}
౩.౨.౭౦ \ నిత్యత్వప్రసఙ్గః చ ప్రాయణానుపపత్తేః
{సిద్ధాన్త-సూత్ర}
౩.౨.౭౧ \ అణుశ్యామతానిత్యత్వవత్ ఏతత్ స్యాత్
{పూర్వపక్ష-సూత్ర}
౩.౨.౭౨ \ న, అకృతాభ్యాగమప్రసఙ్గాత్
{సిద్ధాన్త-సూత్ర}
(ఇతి న్యాయసూత్రే తృతీయాధ్యాయస్య ద్వితీయమ్ ఆహ్నికమ్)
(సమాప్తః చ అయమ్ తృతీయః అధ్యాయః)
(అథ చతుర్థః అధ్యాయః)
(ప్రథమమ్ ఆహ్నికమ్)
॥ప్రవృత్తిదోషసామాన్యపరీక్షాప్రకరణమ్ (౧-౨)॥
౪.౧.౧ \ ప్రవృత్తిర్యథోక్తా
{సిద్ధాన్త-సూత్ర}
౪.౧.౨ \ తథా దోషాః
{సిద్ధాన్త-సూత్ర}
॥దోషత్రైరాశ్యపరీక్షాప్రకరణమ్ (౩-౮)॥
౪.౧.౩ \ త్రైరాశ్యం రాగద్వేషమోహార్థాన్తర్భావాత్
{సిద్ధాన్త-సూత్ర}
౪.౧.౪ \ న, ఏకప్రత్యనీకభావాత్
{పూర్వపక్ష-సూత్ర}
౪.౧.౫ \ వ్యభిచారాదహేతుః
{సిద్ధాన్త-సూత్ర}
౪.౧.౬ \ తేషాం మోహః పాపీయాన్, నామూఢస్యేతరోత్పత్తేః
{సిద్ధాన్త-సూత్ర}
౪.౧.౭ \ నిమిత్తనైమిత్తికభావాదర్థాన్తరభావో దోషేభ్యః
{పూర్వపక్ష-సూత్ర}
౪.౧.౮ \ న దోషలక్షణావరోధాన్మోహస్య
{సిద్ధాన్త-సూత్ర}
౪.౧.౯ \ నిమిత్తనైమిత్తికోపపత్తేశ్చ తుల్యజాతీయానామప్రతిషేధః
{సిద్ధాన్త-సూత్ర}
॥ప్రేత్యభావపరీక్షాప్రకరణమ్ (౧౦-౧౩)॥
౪.౧.౧౦ \ ఆత్మనిత్యత్వే ప్రేత్యభావసిద్ధిః
{సిద్ధాన్త-సూత్ర}
౪.౧.౧౧ \ వ్యక్తాద్ వ్యక్తానామ్, ప్రత్యక్షప్రామాణ్యాత్
{సిద్ధాన్త-సూత్ర}
౪.౧.౧౨ \ న, ఘటాద్ ఘటనిష్పత్తేః
{పూర్వపక్ష-సూత్ర}
౪.౧.౧౩ \ వ్యక్తాద్ ఘటనిష్పత్తేరప్రతిషేధః
{సిద్ధాన్త-సూత్ర}
॥శూన్యతోపాదాననిరాకరణప్రకరణమ్ (౧౪-౧౮)॥
౪.౧.౧౪ \ అభావాద్ భావోత్పత్తిః, నానుపమృద్య ప్రాదుర్భావాత్
{పూర్వపక్ష-సూత్ర}
౪.౧.౧౫ \ వ్యాఘాతాదప్రయోగః
{సిద్ధాన్త-సూత్ర}
౪.౧.౧౬ \ న, అతీతానాగతయోః కారకశబ్దప్రయోగాత్
{పూర్వపక్ష-సూత్ర}
౪.౧.౧౭ \ న, వినష్టేభ్యో ऽనిష్పత్తేః
{సిద్ధాన్త-సూత్ర}
౪.౧.౧౮ \ క్రమనిర్దేశాదప్రతిషేధః
{సిద్ధాన్త-సూత్ర}
॥ఈశ్వరోపాదానాతాప్రకరణమ్ (౧౯-౨౧)॥
౪.౧.౧౯ \ ఈశ్వరః కారణమ్, పురుషకర్మాఫల్యదర్శనాత్
{సిద్ధాన్త-సూత్ర}
౪.౧.౨౦ \ న, పురుషకర్మాభావే ఫ్లానిష్పత్తేః
{పూర్వపక్ష-సూత్ర}
౪.౧.౨౧ \ తత్కారితత్వాద్ అహేతుః
{సిద్ధాన్త-సూత్ర}
॥ఆకస్మికత్వనిరాకరణప్రకరణమ్ (౨౨-౨౪)॥
౪.౧.౨౨ \ అనిమిత్తతో భావోత్పత్తిః, కణ్టకతైక్ష్ణ్యాదిదర్శనాత్
{పూర్వపక్ష-సూత్ర}
౪.౧.౨౩ \ అనిమిత్తనిమిత్తత్వాన్ననిమిత్తతః
{సిద్ధాన్త-సూత్ర}
౪.౧.౨౪ \ నిమిత్తనిమిత్తయోరర్థాన్తరభావాదప్రతిషేధః
{సిద్ధాన్త-సూత్ర}
॥సర్వానిత్యత్వనిరాకరణప్రకరణమ్ (౨౫-౨౮)॥
౪.౧.౨౫ \ సర్వమ్ అనిత్యమ్, ఉత్పత్తివినాశధర్మకత్వాత్
{పూర్వపక్ష-సూత్ర}
౪.౧.౨౬ \ న, అనిత్యతానిత్యత్వాత్
{సిద్ధాన్త-సూత్ర}
౪.౧.౨౭ \ తదనిత్యత్వమగ్నేర్దాహ్యం వినాశ్యానువినాశవత్
{సిద్ధాన్త-సూత్ర}
౪.౧.౨౮ \ నిత్యస్యాప్రత్యాఖ్యానమ్, యథోపలబ్ధి వ్యవస్థానాత్
{సిద్ధాన్త-సూత్ర}
॥సర్వనిత్యత్వనిరాకరణమ్ (౨౯-౩౩)॥
౪.౧.౨౯ \ సర్వం నిత్యమ్, పఞ్చభూతనిత్యత్వాత్
{పూర్వపక్ష-సూత్ర}
౪.౧.౩౦ \ న, ఉత్పత్తివినాశకారణోపలబ్ధేః
{సిద్ధాన్త-సూత్ర}
౪.౧.౩౧ \ తల్లక్షణావరోధాదప్రతిషేధః
{పూర్వపక్ష-సూత్ర}
౪.౧.౩౨ \ న, ఉత్పత్తితత్కారణోపలబ్ధేః
{సిద్ధాన్త-సూత్ర}
౪.౧.౩౩ \ న, వ్యవస్థానుపపత్తేః
{సిద్ధాన్త-సూత్ర}
॥సర్వపృథక్త్వనిరాకరణప్రకరణమ్ (౩౪-౩౬)॥
౪.౧.౩౪ \ సర్వం పృథగ్, భావలక్షణపృథక్త్వాత్
{పూర్వపక్ష-సూత్ర}
౪.౧.౩౫ \ న, అనేకలక్షణైరేకభావనిష్పత్తేః
{సిద్ధాన్త-సూత్ర}
౪.౧.౩౬ \ లక్షణవ్యవస్థానాదేవాప్రతిషేధః
{సిద్ధాన్త-సూత్ర}
॥సర్వశూన్యతానిరాకరణప్రకరణమ్ (౩౭-౪౦)॥
౪.౧.౩౭ \ సర్వమ్ అభావో భావేష్వితరేతరాభావసిద్ధేః
{పూర్వపక్ష-సూత్ర}
౪.౧.౩౮ \ న, స్వభావసిద్ధేర్భావానామ్
{సిద్ధాన్త-సూత్ర}
౪.౧.౩౯ \ న స్వభావసిద్ధిః, ఆపేక్షికత్వాత్
{పూర్వపక్ష-సూత్ర}
౪.౧.౪౦ \ వ్యాహతత్వాదయుక్తమ్
{సిద్ధాన్త-సూత్ర}
॥సంఖ్యైకాన్తవాదప్రకరణమ్ (౪౧-౪౩)॥
౪.౧.౪౧ \ సంఖ్యైకాన్తాసిద్ధిః, కారణానుపపత్త్యుపపత్తిభ్యామ్
{సిద్ధాన్త-సూత్ర}
౪.౧.౪౨ \ న, కారణవయవాభావాత్
{పూర్వపక్ష-సూత్ర}
౪.౧.౪౩ \ నిరవయవత్వాదహేతుః
{సిద్ధాన్త-సూత్ర}
॥ఫలపరీక్షాప్రకరణమ్ (౪౪-౫౪)॥
౪.౧.౪౪ \ సద్యః కాలాన్తరే చ ఫలనిష్పత్తేః సంశయః
{సిద్ధాన్త-సూత్ర}
౪.౧.౪౫ \ న సద్యః, కాలాన్తరోపభోగ్యత్వాత్
{సిద్ధాన్త-సూత్ర}
౪.౧.౪౬ \ కాలాన్తరేణానిష్పత్తిహేతుర్వినాశాత్
{పూర్వపక్ష-సూత్ర}
౪.౧.౪౭ \ ప్రాఙ్నిష్పత్తేర్వృక్షఫలవత్ తత్స్యాత్
{సిద్ధాన్త-సూత్ర}
౪.౧.౪౮ \ నాసన్న సన్న సదసత్, సదసతోర్వైధర్మయాత్
{పూర్వపక్ష-సూత్ర}
౪.౧.౪౯ \ ఉత్పాదవ్యయదర్శనాత్
{సిద్ధాన్త-సూత్ర}
౪.౧.౫౦ \ బుద్ధిసిద్ధం తు తదసత్
{సిద్ధాన్త-సూత్ర}
౪.౧.౫౧ \ ఆశ్రయవ్యతిరేకాద్ వృక్షఫలోత్పత్తివద్ ఇత్యహేతుః
{పూర్వపక్ష-సూత్ర}
౪.౧.౫౨ \ ప్రీతేరాత్మాశ్రయత్వాదప్రతిషేధః
{సిద్ధాన్త-సూత్ర}
౪.౧.౫౩ \ న పుత్రపశుస్త్రీపరిచ్ఛేదహిరణ్యాన్నాదిఫలనిర్ద్దేశాత్
{పూర్వపక్ష-సూత్ర}
౪.౧.౫౪ \ తత్సమ్బన్ధాత్ ఫలనిష్పత్తేస్తేషు ఫలవదుపచారః
{సిద్ధాన్త-సూత్ర}
॥దుఃఖపరీక్షాప్రకరణమ్ (౫౫-౫౮)॥
౪.౧.౫౫ \ వివిధవాధనాయోగాద్ దుఃఖమేవ జన్మోత్పత్తిః
{సిద్ధాన్త-సూత్ర}
౪.౧.౫౬ \ న, సుఖస్యాప్యన్తరాలనిష్పత్తేః
{సిద్ధాన్త-సూత్ర}
౪.౧.౫౭ \ భాధనానివృత్తేర్వేదయతః ప్ర్యేషణదోషాదప్రతిషేధః
{సిద్ధాన్త-సూత్ర}
౪.౧.౫౮ \ దుఃఖవికల్పే సుఖాభిమానాచ్చ
{సిద్ధాన్త-సూత్ర}
॥అపవర్గపరీక్షాప్రకరణమ్ (౫౯-౬౮)॥
౪.౧.౫౯ \ ఋణక్లేశప్రవృత్త్యనుబ్న్ధాదపవర్గాభావః
{పూర్వపక్ష-సూత్ర}
౪.౧.౬౦ \ ప్రధానశబ్దానుపపత్తేర్గుణశబ్దేనానువాదో నిన్దాప్రశంసోపపత్తేః
{సిద్ధాన్త-సూత్ర}
౪.౧.౬౧ \ సమారోపణాదాత్మన్యప్రతిషేధః
{సిద్ధాన్త-సూత్ర}
౪.౧.౬౨ \ పాత్రచయాన్తానుపపత్తేశ్చ ఫలాభావః
{సిద్ధాన్త-సూత్ర}
౪.౧.౬౩ \ సుషుప్తస్య స్వప్నాదర్శనే క్లేశాభావాదపవర్గః
{సిద్ధాన్త-సూత్ర}
౪.౧.౬౪ \ న ప్రవృత్తిః ప్రతిసన్ధానాయ హీనక్లేశస్య
{సిద్ధాన్త-సూత్ర}
౪.౧.౬౫ \ న, క్లేశసన్తతేః స్వాభావికత్వాత్
{పూర్వపక్ష-సూత్ర}
౪.౧.౬౬ \ ప్రాగుత్పత్తేరభావానిత్యత్వవత్ స్వాభావికే ऽప్యనిత్యత్వమ్
{సిద్ధాన్త-సూత్ర}
౪.౧.౬౭ \ అణుశ్యామతానిత్యత్వవద్ వా
{సిద్ధాన్త-సూత్ర}
౪.౧.౬౮ \ న, సఙ్కల్పనిమిత్తత్వాచ్చ రాగాదీనామ్
{సిద్ధాన్త-సూత్ర}
(ఇతి న్యాయసూత్రే చతుర్థాధ్యాయస్య ప్రథమమ్ ఆహ్నికమ్)
(ద్వితీయమ్ ఆహ్నికమ్)
॥తత్త్వజ్ఞానోత్పత్తిప్రకరణమ్ (౧-౩)॥
౪.౨.౧ \ దోషనిమిత్తానాం తత్త్వజ్ఞానాదహఙ్కారనివృత్తిః
{సిద్ధాన్త-సూత్ర}
౪.౨.౨ \ దోషనిమిత్తం రూపాదయో విషయః సఙ్కల్పకృతాః
{సిద్ధాన్త-సూత్ర}
౪.౨.౩ \ తన్నిమిత్తం త్వవయవ్యభిమానః
{సిద్ధాన్త-సూత్ర}
॥ప్రాసఙ్గికమ్ అవయవిప్రకరణమ్ (౪-౧౭)॥
౪.౨.౪ \ విద్యావిద్యాద్వైవిధ్యాత్ సంశయః
{పూర్వపక్ష-సూత్ర}
౪.౨.౫ \ తదసంశయః, పూర్వహేతుప్రసిద్ధత్వాత్
{సిద్ధాన్త-సూత్ర}
౪.౨.౬ \ వృత్త్యనుపపత్తేరపి తర్హి న సంశయః
{పూర్వపక్ష-సూత్ర}
౪.౨.౭ \ కృత్స్నైకదేశావృత్తిత్వాదవయవానామవయవ్యభావః
{పూర్వపక్ష-సూత్ర}
౪.౨.౮ \ తేషు చావృత్తేరవయవ్యభావః
{పూర్వపక్ష-సూత్ర}
౪.౨.౯ \ పృథక్ చావయవేభ్యో ऽవృత్తేః
{సిద్ధాన్త-సూత్ర}
౪.౨.౧౦ \ న చావయవ్యవయవాః
{పూర్వపక్ష-సూత్ర}
౪.౨.౧౧ \ ఏకస్మిన్ భేదాభావాద్ భేదశబ్దప్రయోగానుపపత్తేరప్రశ్నః
{సిద్ధాన్త-సూత్ర}
౪.౨.౧౨ \ అవయవాన్తరభావే ऽప్యవృత్తేరహేతుః
{సిద్ధాన్త-సూత్ర}
౪.౨.౧౩ \ కేశసమూహే తైమిరికోపలబ్ధివత్ తదుపలబ్ధిః
{పూర్వపక్ష-సూత్ర}
౪.౨.౧౪ \ స్వవిషయానతిక్రమేణేన్ద్రియస్య పటుమన్దభావాద్విషయగ్రహణస్య తథాభాబో నావిషయే ప్రవృత్తిః
{సిద్ధాన్త-సూత్ర}
౪.౨.౧౫ \ అవయవావయవిప్రసఙ్గశ్చైవమాప్రలయాత్
{సిద్ధాన్త-సూత్ర}
౪.౨.౧౬ \ న ప్రలయో ऽణుసద్భావాత్
{సిద్ధాన్త-సూత్ర}
౪.౨.౧౭ \ పరం వా త్రుటేః
{సిద్ధాన్త-సూత్ర}
॥ఔపోద్ఘాతికం నిరవయవప్రకరణమ్ (౧౮-౨౫)॥
౪.౨.౧౮ \ ఆకాశవ్యతిభేదాత్ తదనుపపత్తిః
{సిద్ధాన్త-సూత్ర}
౪.౨.౧౯ \ ఆకాశాసర్వగతత్వం వా
{పూర్వపక్ష-సూత్ర}
౪.౨.౨౦ \ అన్తర్బహిశ్చ కార్యద్రవ్యస్య కారణాన్తరవచనాదకార్యే తదభావః
{సిద్ధాన్త-సూత్ర}
౪.౨.౨౧ \ శబ్దసంయోగవిభావాచ్చ సర్వగతమ్
{సిద్ధాన్త-సూత్ర}
౪.౨.౨౨ \ అవ్యూహావిష్టమ్భవిభుత్వాని చాకాశధర్మాః
{సిద్ధాన్త-సూత్ర}
౪.౨.౨౩ \ మూర్తిమతాం చ సంస్థానోపపత్తేరవయవసద్భావః
{పూర్వపక్ష-సూత్ర}
౪.౨.౨౪ \ సంయోగోపపత్తేశ్చ
{పూర్వపక్ష-సూత్ర}
౪.౨.౨౫ \ అనవస్థాకారిత్వాదనవస్థానుపపత్తేశ్చాప్రతిషేధః
{సిద్ధాన్త-సూత్ర}
॥బాహ్యార్థభఙ్గనిరాకరణప్రకరణమ్ (౨౬-౩౭)॥
౪.౨.౨౬ \ బుద్ధ్యా వివేచనాత్తు భావానాం యాథాత్మ్యానుపలబ్ధిస్తన్త్వపకర్షణే పటసద్భావానుపలబ్ధివత్ తదనుపలబ్ధిః
{పూర్వపక్ష-సూత్ర}
౪.౨.౨౭ \ వ్యాహతత్వాదహేతుః
{సిద్ధాన్త-సూత్ర}
౪.౨.౨౮ \ తదాశ్రయత్వాదపృథగ్గ్రహణమ్
{సిద్ధాన్త-సూత్ర}
౪.౨.౨౯ \ ప్రమాణతశ్చార్థప్రతిపత్తేః
{సిద్ధాన్త-సూత్ర}
౪.౨.౩౦ \ ప్రమాణానుపపత్త్యుపపత్తిభ్యామ్
{సిద్ధాన్త-సూత్ర}
౪.౨.౩౧ \ స్వప్నవిషయాభిమానవదయం ప్రమాణప్రమేయాభిమానః
{పూర్వపక్ష-సూత్ర}
౪.౨.౩౨ \ మాయాగన్ధర్వనగరమృగతృష్ణికావద్వా
{పూర్వపక్ష-సూత్ర}
౪.౨.౩౩ \ హేత్వభావాదసిద్ధిః
{సిద్ధాన్త-సూత్ర}
౪.౨.౩౪ \ స్మృతిసంకల్పవచ్చ స్వప్నవిషయాభిమానః
{సిద్ధాన్త-సూత్ర}
౪.౨.౩౫ \ మిథ్యోపలబ్ధేర్వినాశస్తత్త్వజ్ఞానాత్స్వప్నవిషయాభిమానప్రణాశవత్ ప్రతిబోధే
{సిద్ధాన్త-సూత్ర}
౪.౨.౩౬ \ బుద్ధేశ్చైవం నిమిత్తసద్భావోపలమ్భాత్
{సిద్ధాన్త-సూత్ర}
౪.౨.౩౭ \ తత్త్వప్రధానభేదాచ్చ మిథ్యాబుద్ధేర్ద్వైవిధ్యోపపత్తిః
{సిద్ధాన్త-సూత్ర}
॥తత్త్వజ్ఞానవివృద్ధిప్రకరణమ్ (౩౮-౪౯)॥
౪.౨.౩౮ \ సమాధివిశేషాభ్యాసాత్
{సిద్ధాన్త-సూత్ర}
౪.౨.౩౯ \ న, అర్థవిశేషప్రావల్యాత్
{పూర్వపక్ష-సూత్ర}
౪.౨.౪౦ \ క్షుదాదిభిః ప్రవర్తనాచ్చ
{పూర్వపక్ష-సూత్ర}
౪.౨.౪౧ \ పూర్వకృతఫలానుబన్ధాత్ తదుత్పత్తిః
{సిద్ధాన్త-సూత్ర}
౪.౨.౪౨ \ అరణ్యగుహాపులినాదిషు యోగాభ్యాసోపదేశః
{సిద్ధాన్త-సూత్ర}
౪.౨.౪౩ \ అపవర్గే ऽప్యేవం ప్రసఙ్గః
{పూర్వపక్ష-సూత్ర}
౪.౨.౪౪ \ న, నిష్పన్నావశ్యమ్భావిత్వాత్
{సిద్ధాన్త-సూత్ర}
౪.౨.౪౫ \ తదభావశ్చాపవర్గే
{సిద్ధాన్త-సూత్ర}
౪.౨.౪౬ \ తదర్థం యమనియమాభ్యాసాత్మసంస్కారో యోగాచ్చాధ్యాత్మవిధ్యుపాయైః
{సిద్ధాన్త-సూత్ర}
౪.౨.౪౭ \ జ్ఞానగ్రహణాభ్యాసస్తద్విద్యైశ్చ సహ సంవాదః
{సిద్ధాన్త-సూత్ర}
౪.౨.౪౮ \ తం శిష్యగురుసబ్రహ్మచారివిశిష్టశ్రేయో ऽర్థిభిరనసూయిభిరభ్యుపేయాత్
{సిద్ధాన్త-సూత్ర}
౪.౨.౪౯ \ ప్రతిపక్షహీనమ్ అపి వా ప్రయోజనార్థమర్థిత్వే
॥తత్త్వజ్ఞానపరిపాలనప్రకరణమ్ (౫౦-౫౧)॥
౪.౨.౫౦ \ తత్త్వాధ్యవసాయసంరక్షణార్థం జల్పవితణ్డే, బీజప్రరోహసంరక్ష్ణార్థం కణ్టకశాఖావరణవత్
{సిద్ధాన్త-సూత్ర}
౪.౨.౫౧ \ తాభ్యాం విగృహ్యకథనమ్
{సిద్ధాన్త-సూత్ర}
(ఇతి న్యాయసూత్రే చతుర్థాధ్యాయస్య ద్వితీయమ్ ఆహ్నికమ్)
(సమాప్తశ్చ చతుర్థః అధ్యాయః)
(అథ పఞ్చమః అధ్యాయః)
(ప్రథమమ్ ఆహ్నికమ్)
॥సత్ప్రతిపక్షదేశనాభాసప్రకర్ణమ్ (౧-౩)॥
౫.౧.౧ \ సాధర్మ్యవైధర్మ్యోత్కర్షాపకర్షవర్ణ్యావర్ణ్యవికల్పసాధ్యప్రాప్త్యప్రాప్తిప్రషఙ్గప్రతిదృష్టాన్తానుత్పత్తి-
సంశయప్రకరణహేత్వర్థా పత్త్యవిశేషోపపత్త్యుపలబ్ధ్యనుపలబ్ధినిత్యానిత్యకఆర్యసమాః
{సిద్ధాన్త-సూత్ర}
౫.౧.౨ \ సాధర్మ్యవైధర్మ్యాభ్యాముపసంహారే తద్ధర్మవిపర్యయోపపత్తేః సాధర్మ్యవైధర్మ్యసమౌ
{సిద్ధాన్త-సూత్ర}
౫.౧.౩ \ గోత్వాద్ గోసిద్ధివత్ తత్సిద్ధిః
{సిద్ధాన్త-సూత్ర}
॥ఉత్కర్షసమాదిజాతిషట్కప్రకరణమ్ (౪-౬)॥
౫.౧.౪ \ సాధ్యదృష్టాన్తయోర్ధర్మవికల్పాదుభయసాధ్యత్వాచ్చోత్కర్షాపకర్ష వర్ణ్యవికల్పసాధ్యసమాః
{సిద్ధాన్త-సూత్ర}
౫.౧.౫ \ కిఞ్చిత్సాధర్మ్యాదుపసంహారసిద్ధేర్వైధర్మ్యాదప్రతిషేధః
{సిద్ధాన్త-సూత్ర}
౫.౧.౬ \ సాధ్యాతిదేశాచ్చ దృష్టాన్తోపప్త్తేః
{సిద్ధాన్త-సూత్ర}
॥ప్రాప్త్యప్రాప్తిసమజాతిద్వయప్రకరణమ్ (౭-౮)॥
౫.౧.౭ \ ప్రాప్య సాధ్యమప్రాప్య వా హేతోః ప్రాప్త్యావిశిష్టత్వాదప్రాప్త్యాసాధాక త్వాచ్చ ప్రాప్త్యప్రాప్తిసమౌ
{సిద్ధాన్త-సూత్ర}
౫.౧.౮ \ ఘటాదినిష్పత్తిదర్శనాత్ పీడనే చాభిచారాదప్రతిషేధః
{సిద్ధాన్త-సూత్ర}
॥ప్రసఙ్గప్రతిదృష్టాన్తసమప్రకరణమ్ (౯-౧౧)॥
౫.౧.౯ \ దృష్టాన్తస్య కారణానపదేశాత్ ప్రత్యవస్థానాచ్చ ప్రతిదృష్టాన్తేన ప్రసఙ్గప్రతిదృష్టాన్తసమౌ
{సిద్ధాన్త-సూత్ర}
౫.౧.౧౦ \ ప్రదీపోపాదానప్రసఙ్గనివృత్తివత్ తద్వినివృత్తిః
{సిద్ధాన్త-సూత్ర}
౫.౧.౧౧ \ ప్రతిదృష్టాన్తహేతుత్వే చ నాహేతుర్దృష్టాన్తః
{సిద్ధాన్త-సూత్ర}
॥అనుత్పత్తిసమప్రకరణమ్ (౧౨-౧౩)॥
౫.౧.౧౨ \ ప్రాగుత్పత్తేః కారణాభావాదనుత్పత్తిసమః
{సిద్ధాన్త-సూత్ర}
౫.౧.౧౩ \ తథాభావాదుత్పన్నస్య కారణోపపత్తేర్న కారణప్రతిషేధః
{సిద్ధాన్త-సూత్ర}
॥సంశయసమప్రకరణమ్ (౧౪-౧౫)॥
౫.౧.౧౪ \ సామాన్యదృష్టాన్తయోరైన్ద్రియకత్వే సమానే నిత్యానిత్యసాధర్మ్యాత్ సంశయసమః
{సిద్ధాన్త-సూత్ర}
౫.౧.౧౫ \ సాధర్మ్యాత్సంశయే న సంశయో వైధర్మ్యాదుభయథా వా సంశయే ऽత్యన్త సంశయప్రసఙ్గో
నిత్యత్వానభ్యూపగమాచ్చ సామాన్యస్యాప్రతిషేధః
{సిద్ధాన్త-సూత్ర}
॥ప్రకరణసమప్రకరణమ్ (౧౬-౧౭)॥
౫.౧.౧౬ \ ఉభయసాధర్మ్యాత్ ప్రక్రియాసిద్ధేః ప్రకరణసమః
{సిద్ధాన్త-సూత్ర}
౫.౧.౧౭ \ ప్రతిపక్షాత్ ప్రకరణసిద్ధేః ప్రతిషేధానుపపత్తిః ప్రతిపక్షోపపత్తేః
{సిద్ధాన్త-సూత్ర}
॥అహేతుసమప్రకరణమ్ (౧౮-౨౦)॥
౫.౧.౧౮ \ త్రైకాల్యాసిద్ధేర్హేతోరహేతుసమః
{సిద్ధాన్త-సూత్ర}
౫.౧.౧౯ \ న హేతుతః సాధ్యసిద్ధేస్త్రైకాల్యాస్సిద్ధిః
{సిద్ధాన్త-సూత్ర}
౫.౧.౨౦ \ ప్రతిషేధానుపపత్తేశ్చ ప్రతిషేద్ధవ్యాప్రతిషేధః
{సిద్ధాన్త-సూత్ర}
॥అర్థాపత్తిసమప్రకరణమ్ (౨౧-౨౨)॥
౫.౧.౨౧ \ అర్థాపత్తితః ప్రతిపక్షసిద్ధేరర్థాపత్తిసమః
{సిద్ధాన్త-సూత్ర}
౫.౧.౨౨ \ అనుక్తస్యార్థాపత్తేః పక్షహానేరుపపత్తిరనుక్తత్వాదనైకాన్తికత్వాచ్ చార్థాపత్తేః
{సిద్ధాన్త-సూత్ర}
॥అవిశేషసమప్రకరణమ్ (౨౩-౨౪)॥
౫.౧.౨౩ \ ఏకధర్మోపపత్తేరవిశేషే సర్వావిశేషప్రసఙ్గాత్సద్భాబోపపత్తేర్-
అవిశేషసమః
{సిద్ధాన్త-సూత్ర}
౫.౧.౨౪ \ క్వచిద్ధర్మానుపపత్తేః క్వచిచ్చోపపత్తేః ప్రతిషేధాభావః
{సిద్ధాన్త-సూత్ర}
॥ఉఅపపత్తిసమప్రకరణమ్ (౨౫-౨౬)॥
౫.౧.౨౫ \ ఉభయోకారణోపపత్తేరుపపత్తిసమః
{సిద్ధాన్త-సూత్ర}
౫.౧.౨౬ \ ఉఅపపత్తికారణాభ్యనిఞ్జానాదప్రతిషేధః
{సిద్ధాన్త-సూత్ర}
॥ఉపలబ్ధిసమప్రకరణమ్ (౨౭-౨౮)॥
౫.౧.౨౭ \ నిర్దిష్టకారణాభావే ऽప్యుపలమ్భాదుపలబ్ధిసమః
{సిద్ధాన్త-సూత్ర}
౫.౧.౨౮ \ కారణాన్తరాదపి తద్ధర్మోపపత్తేరప్రతిషేధః
{సిద్ధాన్త-సూత్ర}
॥అనుపలబ్ధిసమప్రకరణమ్ (౨౯-౩౧)॥
౫.౧.౨౯ \ తదనుపలబ్ధేరనుపలమ్భాదభావసిద్ధౌ తద్విపరీతోపపత్తేర్ అనుపలబ్ధిసమః
{సిద్ధాన్త-సూత్ర}
౫.౧.౩౦ \ అనుపలమ్భాత్మకత్వాదనుపలబ్ధేరహేతుః
{సిద్ధాన్త-సూత్ర}
౫.౧.౩౧ \ జ్ఞానవికల్పానాం చ భావాభావసంవేదనాదధ్యాత్మమ్
{సిద్ధాన్త-సూత్ర}
॥అనిత్యసమప్రకరణమ్ (౩౨-౩౪)
౫.౧.౩౨ \ సాధర్మ్యాత్తుల్యధర్మోపపత్తేః సర్వానిత్యత్వప్రసఙ్గాదనిత్యసమః
{సిద్ధాన్త-సూత్ర}
౫.౧.౩౩ \ సాధర్మ్యాదసిద్ధేః ప్రతిషేధాసిద్ధిః ప్రతిషేధ్యసాధర్మ్యాచ్చ
{సిద్ధాన్త-సూత్ర}
౫.౧.౩౪ \ దృష్టాన్తే చ సాధ్యసాధనభావేన ప్రజ్ఞాతస్య ధర్మస్య తస్య్స చోభయథా భావాన్నావిశేషః
{సిద్ధాన్త-సూత్ర}
॥అనిత్యసమప్రకరణమ్ (౩౫-౩౬)॥
౫.౧.౩౫ \ నిత్యమనిత్యభావాదనిత్యే నిత్యత్వోపపత్తేర్నిత్యసమః
{సిద్ధాన్త-సూత్ర}
౫.౧.౩౬ \ ప్రతిషేధ్యే నిత్యమనిత్యభావాదనిత్యే ऽనిత్యత్వోపపత్తేః ప్రతిషేధాభావః
{సిద్ధాన్త-సూత్ర}
॥కార్యసమప్రకరణమ్ (౩౭-౩౮)॥
౫.౧.౩౭ \ ప్రయత్నకార్యానేకత్వాత్ కార్యసమః
{సిద్ధాన్త-సూత్ర}
౫.౧.౩౮ \ కార్యాన్యత్వే ప్రయత్నాహేతుత్వమనుపలబ్ధికారణోపపత్తేః
{సిద్ధాన్త-సూత్ర}
॥షట్పక్షీప్రకరణమ్ (౩౯-౪౦)॥
౫.౧.౩౯ \ ప్రతిషేధే ऽపి సమానదోషః
{సిద్ధాన్త-సూత్ర}
౫.౧.౪౦ \ సర్వత్రైవమ్
{సిద్ధాన్త-సూత్ర}
౫.౧.౪౧ \ ప్రతిషేధవిప్రతిషేధే ప్రతిషేధదోషవద్ దోషః
{సిద్ధాన్త-సూత్ర}
౫.౧.౪౨ \ ప్రతిషేధం సదోషమభ్యుపేత్య ప్రతిషేధవిప్రతిషేధే సమానో దోషప్రసఙ్గో మతానుజ్ఞా
{సిద్ధాన్త-సూత్ర}
౫.౧.౪౩ \ స్వపక్షలక్షనాపేక్షోపపత్త్యుపసంహారే హేతునిర్దేశే పరపక్షదోషా భ్యుపగమాత్ సమానో దోష ఇతి
{సిద్ధాన్త-సూత్ర}
(ఇతి న్యాయసూత్రే పఞ్చమాధ్యాయస్య ప్రథమమ్ ఆహ్నికమ్)
(ద్వితీయమ్ ఆహ్నికమ్)
౫.౨.౧ \ ప్రతిజ్ఞాహానిః ప్రతిజ్ఞాన్తరం ప్రతిజ్ఞావిరోధః ప్రతిజ్ఞాసన్న్యాసో హేత్వన్తరమ్ అర్థాన్తరం
నిరర్థకమ్ అవిజ్ఞాతార్థమ్ అపార్థకమ్ అప్రాప్త కాలం న్యూనమ్ అధికం పునరుక్తమ్ అననుభాషణమ్
అజ్ఞానమ్ అప్రతిభా విక్షేపో మతానుజ్ఞా పర్యనుయోజ్యోపేక్షణం నిరనుయోజ్యానుయోగో ऽపసిద్ధాన్తో
హేత్వా భాసాశ్చ నిగ్రహస్థానాని
{నిగ్రహస్థాన-ఉద్దేశ-సూత్రమ్}
॥నిగ్రహస్థానపఞ్చకప్రకరణమ్ (౨-౬)॥
౫.౨.౨ \ ప్రతిదృష్టాన్తధర్మాభ్యనుజ్ఞా స్వదృష్టాన్తే ప్రతిజ్ఞాహానిః
{ప్రతిజ్ఞాహానిః లక్షణ-సూత్రమ్}
౫.౨.౩ \ ప్రతిజ్ఞాతార్థప్రతిషేధధర్మవికల్పాత్ తదర్థనిర్దేశః ప్రతిజ్ఞాన్తర.
{ప్రతిజ్ఞాన్తర-లక్షణ-సూత్రమ్}
౫.౨.౪ \ ప్రతిజ్ఞాహేత్వోర్విరోధః ప్రతిజ్ఞావిరోధః
{ప్రతిజ్ఞావిరోధః లక్షణ-సూత్రమ్}
౫.౨.౫ \ పక్షప్రతిషేధే ప్రతిజ్ఞాతార్థాపనయనం ప్రతిజ్ఞాసన్న్యాసః
{ప్రతిజ్ఞాసన్న్యాసః లక్షణ-సూత్రమ్}
౫.౨.౬ \ అవిశేషోక్తే హేతౌ ప్రతిషిద్ధే విశేషమిచ్ఛతో హేత్వన్తరమ్
{హేత్వన్తరమ్ లక్షణ-సూత్రమ్}
॥నిగ్రహస్థానచతుష్కప్రకరణమ్ (౭-౧౦)॥
౫.౨.౭ \ ప్రకృతాదర్థాదప్రతిసమ్బ్ద్ధార్థమర్థాన్తరమ్
{అర్థాన్తరమ్ లక్షణ-సూత్రమ్}
౫.౨.౮ \ వర్ణక్రమనిర్దేశవన్నిరర్థకమ్
{నిరర్థకమ్ లక్షణ-సూత్రమ్}
౫.౨.౯ \ పరిషత్ప్రతివాదిభ్యాం త్రిరభిహితమప్యవిజ్ఞాతమవిజ్ఞాతార్థమ్
{అవిజ్ఞాతార్థమ్ లక్షణ-సూత్రమ్}
౫.౨.౧౦ \ పౌర్వాపర్యాయోగాదప్రతిసమ్బద్ధార్థమపార్థకమ్
{అపార్థకమ్ లక్షణ-సూత్రమ్}
॥నిగ్రహస్థానత్రికప్రకరణమ్ (౧౧-౧౩)॥
౫.౨.౧౧ \ అవయవవిపర్యాసవచనమప్రాప్తకాలమ్
{అప్రాప్తకాలమ్ లక్షణ-సూత్రమ్}
౫.౨.౧౨ \ హీనమన్యతమేనాప్యవయవేన న్యూనమ్
{న్యూనమ్ లక్షణ-సూత్రమ్}
౫.౨.౧౩ \ హేతూదాహరణాధికమ్ అధికమ్
{అధికమ్ లక్షణ-సూత్రమ్}
॥పునరుక్తినిగ్రహస్థానప్రకరణమ్ (౧౪-౧౬)॥
౫.౨.౧౪ \ శబ్దార్థయోః పునర్వచనం పునరుక్తమ్ అన్యత్ర అనువాదాత్
{పునరుక్తమ్ లక్షణ-సూత్రమ్}
౫.౨.౧౫ \ అనువాదే తు అపునరుక్తం శబ్దాభ్యాసాత్ అర్థవిశేషోపపత్తేః
{పునరుక్తమ్ లక్షణాపవాదసూత్రమ్}
౫.౨.౧౬ \ అర్థాత్ ఆపన్నస్య స్వశబ్దేన పునర్వచనమ్
{పునరుక్తమ్ లక్షణాపవాదసూత్రమ్}
॥ఉత్తరవిరోధినిగ్రహస్థానచతుష్కప్రకరణమ్ (౧౭-౨౦)॥
౫.౨.౧౭ \ విజ్ఞాతస్య పరిషదా త్రిః అభిహితస్య అపి అప్రత్యుచ్చారణమ్ అననుభాషణమ్
{అననుభాషణమ్ లక్షణ-సూత్రమ్}
౫.౨.౧౮ \ అవిజ్ఞాతమ్ చ అజ్ఞానమ్
{అజ్ఞానమ్ లక్షణ-సూత్రమ్}
౫.౨.౧౯ \ ఉత్తరస్య అప్రతిపత్తిః అప్రతిభా
{అప్రతిభా లక్షణ-సూత్రమ్}
౫.౨.౨౦ \ కార్యవ్యాసఙ్గాత్ కథావిచ్ఛేదః విక్షేపః
{విక్షేపః లక్షణ-సూత్రమ్}
॥మతానుజ్ఞాదినిగ్రహస్థానత్రికప్రకరణమ్ (౨౧-౨౩)॥
౫.౨.౨౧ \ స్వపక్షే దోషాభ్యుపగమాత్ పరపక్షే దోషప్రసఙ్గః మతానుజ్ఞా
{మతానుజ్ఞా లక్షణ-సూత్రమ్}
౫.౨.౨౨ \ నిగ్రహస్థానప్రాప్తస్య అనిగ్రహః పర్యనుయోజ్యోపేక్షణమ్
{పర్యనుయోజ్యోపేక్షణమ్ లక్షణ-సూత్రమ్}
౫.౨.౨౩ \ అనిగ్రహస్థానే నిగ్రహస్థానాభియోగః నిరనుయోజ్యానుయోగః
{నిరనుయోజ్యానుయోగ లక్షణ-సూత్రమ్}
॥కథకాన్యోక్తినిరూప్యనిగ్రహస్థానద్వయప్రకరణమ్ (౨౪-౨౫)॥
౫.౨.౨౪ \ సిద్ధాన్తమ్ అభ్యుపేత్య అనియమాత్ కథాప్రసఙ్గః అపసిద్ధాన్తః
{అపసిద్ధాన్త లక్షణ-సూత్రమ్}
౫.౨.౨౫ \ హేత్వాభాసాః చ యథోక్తాః
{హేత్వాభాస నిరూపణమ్}
(ఇతి న్యాయసూత్రే పఞ్చమాధ్యాయస్య ద్వితీయమ్ ఆహ్నికమ్)
(సమాప్తశ్చాయమ్ పఞ్చమాధ్యాయః)
న్యాయదర్శనం సమాప్తమ్